گه‌ڕان

Shadow Shadow
سیاسه‌تی

حكومەتی سریلانكا داوا لە مزگەوتەكان دەكات نوێژی هەینی ئەنجام نەدەن

2019.04.25 - 17:56
App store icon Play store icon Play store icon
حكومەتی سریلانكا داوا لە مزگەوتەكان دەكات نوێژی هەینی ئەنجام نەدەن

کەناڵی ناس کورد لە تێلیگرام جۆین بکە   

ناس كورد-
حكومەتی سریلانكا بەهۆكاری ئەمنی و بۆ خۆ بەدوورگرتن لە ئەنجامدانی تەقینەوە و زیانگەیاندن بە هاووڵاتیان، داوای لە مزگەوتەكانی ئەو وڵاتە كرد سبەینێ‌ نوێژی هەینی ئەنجام نەدەن.

.

هاوكات لەگەڵ ئەو داوایەی حكومەتی سریلانكا لە مزگەوتەكان، وەزیری بەرگرى سریلانكا بەهۆی ئەو تەقینەوانەی كە لەو وڵاتە روویدا دەستی لەكاركێشایەوە.

.
بەرەبەیانی ئەمڕۆ (پێنجشەممە) تەقینەوەیەكی تر لە شارۆچكەی بوگدا لە دوری 40 كیلۆمەتر لە ڕۆژهەڵاتی شاری كۆڵۆمبۆی پایتەختەوە ڕوویدا.

.

تەقینەوەكە لەناو حاوییەی خۆڵ و خاشاك ڕوویدا و هیچ زیانێكی گیانی نەبوو، ئەوەش یانزەهەمین تەقینەوەیە لەو زنجیرە تەقینەوانەی كە لە چوار ڕۆژی ڕابردوودا پایتەخت و چەند شارێكی سریلانكای هەژاند، هاوڵاتیانی ئەو وڵاتە لە ترس و دڵەڕاوكێیەكی بەردەوامدان، هاوكات تەواوی ئەو ڕێگایانەی دەچنەوە سەر پایتەخت داخراوون.

.

بەپێی دواین ئامار لە سەرجەم تەقینەوەكانی سەر كڵێسا و ئوتێلەكان لە سریلانكا، 360 كەس كوژراون و نزیكەی 500 كەسیش برینداربوون.

.

هەرچەندە ڕێكخراوی داعش بەرپرسیارێتی تەقینەوەكانی لەئەستۆگرت، بەڵام دەسەڵاتدارانی سریلانكا"گروپی تەوحیدی وەتەنی" و كۆمەڵەی میلەتو ئیبراهیم" بە تێوەگلان لە تەقینەوەكان تۆمەتباردەكەن.

.