گه‌ڕان

Shadow Shadow
سیاسه‌تی

ڕوانگەى سوريى: توركيا سەدان منداڵى لە سورياوە ناردووەتە ليبيا بۆ بەشداريكردن لەشەڕ

2020.09.05 - 21:56
App store icon Play store icon Play store icon
ڕوانگەى سوريى: توركيا سەدان منداڵى لە سورياوە ناردووەتە ليبيا بۆ بەشداريكردن لەشەڕ

ناس کورد- 

ڕوانگەى سوريى بۆ مافەكانى مرۆڤ ئاشكرايكرد، توركيا نزيكەى 350 منداڵى لە سورياوە ناردووەتە ليبيا بۆ بەشداريكردن لە شەڕ لە ڕيزەكانى ميليشيا توندڕەوەكان و 34 منداڵیشیان کوژراون.

کەناڵی ناس کورد لە تێلیگرام جۆین بکە   

 

ڕامى عەبدولڕەحمان، بەڕێوەبەرى ڕوانگەى سوريى بۆ مافەكانى مرۆڤ بە پێگەى "سكاى نيوز"ى وتووە، توركيا 350 منداڵى لە سورياوە ناردووەتە ليبيا، ئەوەش بۆ شەڕكردن لە ڕيزەكانى گروپە توندڕەوەكان، 34 يان لەكاتى شەڕەكاندا كوژراون و تەرمەكانيان و تەرمى 500 كەسى تر لە ڕێگەى توركياوە گەڕێنراوەتە سوريا كە ئەوانيش هەر لە ليبيا كوژراون.

 

ڕامى ئاماژەى بەوەشداوە، ڕژێمى ڕەجەب تەيب ئەردۆگان، سەرۆككۆمارى توركيا تێوەگلاوە لە گواستنەوەى 19 هەزار ئەندامى گروپە چەكداريە سورييەكان بۆ ليبيا، هەروەها 10 هەزار توندڕەوى ترى لە ڕەگەزنامە جياوازەكان ناردووە.

 

پێشتريش بەڕێوەبەرى ڕوانگەى سوريى بۆ مافەكانى مرۆڤ باسى لەوەكردبوو، گروپێكى نوێى ميليشياكان لە ئێستادا لە سەربازگەيەكى ڕاهێنانن لە توركيا و چاوەڕێى هەڵكردنى گڵۆپى سەوزن بۆ ئەوەى بگوازرێنەوە بۆ ليبيا، ئەگەر ئاگربەست و هەوڵەكانى هێوركردنەوەى بارودۆخەكە شكستيانهێنا.

 

بەگوێرەى ئەوەش دەردەكەوێت، چەندين كەسى تر لە سەربازگەكانى توركيا ڕاهێنانيان پێ دەكرێت و ئامادە دەكرێن بۆ ناردنيان بۆ ليبيا و ڕامى دەڵێت، كۆكردنەوەى ميليشياكان لەلايەن توركياوە كەمتربووەتەوە، ئەوەش دواى ئەو ڕاپۆرتە نێودەوڵەتیيەى لەماوەى كۆتاييدا لەسەر ئەو بابەتە بڵاوكرايەوە.

 

هێماى بۆ ئەوەشكردوە، ئەوانەى لە سەربازگەكانى توركيان 500 چەكدارن و باش دەزانن كە ئەگەر ئاگربەست شكستيهێنا دەنێردرێن بۆ ليبيا.

 

بەپێى ڕاپۆرتێك كە سەركردايەتیى ناوەندیى ئەمريكا لە ئەفريقا "ئافريكۆم" بڵاويكردووەتەوە، تەنها لە مانگەكانى چوار تا شەشى ئەمساڵ توركيا زياتر لە پێنج هەزار ميليشياى سوريى ناردووەتە ليبيا.