گه‌ڕان

Shadow Shadow
سیاسه‌تی

هۆشدارییەکی مەترسیدار لەبارەى بەرزبوونەوەى ئامارى مردن بە كۆرۆنا

2020.09.05 - 08:59
هۆشدارییەکی مەترسیدار لەبارەى بەرزبوونەوەى ئامارى مردن بە كۆرۆنا

ناس کورد-

ڕاپۆرتێكى تەندروستیی ئەمريكى هۆشداری دەدات لەوەى تا كۆتايى ئەمساڵ ژمارەى گيانلەدەستدان بە ڤايرۆسى كۆرۆنا لە ولايەتە يەكگرتووەكانى ئەمريكا دەگاتە 410 هەزار كەس، هەروەها لە سەرتاسەرى جيهانيشدا خەڵكى زياتر دەبنە قوربانى پەتاكە و گيانلەدەست دەدەن.

 

پەيمانگاى پێوانە و هەڵسەنگاندنى سەربە زانكۆى واشنتۆن لە ڕاپۆرتێكدا بڵاويكردوەتەوە، ئەگەر هاوڵاتى زياترى ئەمريكى دەمامك ببەستن ئەوا ڕێژەى مردن بە ڤايرۆسى كۆرۆنا 30% كەمدەكات، بەڵام گرتنەبەرى ئەو ڕێوشوێنە لە پاشەكشەدايە.

 

ڕونيشكراوەتەوە، بەهۆى گۆڕانی وەرز و كەمى هۆشيارى خەڵك پێشبينى ئەوە دەکەن كە ژمارەى گيانلەدەستدانى ڕۆژانە لە ئەمريكا بگاتە سێ هەزار كەس تا مانگى 12ى ئەمساڵ.

 

شارەزايان ئەوەشيان ڕونكردوەتەوە، تا سەرەتاى ساڵى داهاتوو ژمارەى گشتى گيانلەدەستدان دەگاتە 410 هەزار كەس، ئەوەش واتاى ئەوەيە لە ئێستاوە تا كۆتايى ئەمساڵ 225 هەزار كەسى تر گيانلەدەست دەدەن.

 

پێشتر پەيمانگاكە پێشبينى ئەوەى كردبوو تا سەرەتاى مانگى 12 ژمارەى گيانلەدەستدان بە كۆرۆنا لە ئەمريكا بگاتە 317 هەزار و 697 كەس، هەروەها پێشبينى ئەوەشى كردبوو تا سەرەتاى ساڵى داهاتوو ژمارەى گيانلەدەستدان لە جيهاندا بگاتە دوو مليۆن و 800 هەزار كەس.