گه‌ڕان

Shadow Shadow
سیاسه‌تی

’’ئاماری کۆرۆنا زیاترە لەوەى ڕاگەیەنراوە’’

تیمی ڕوبەڕوبوونەوەى کۆرۆنا لە هەڵەبجە: ئیتر پساین و دەست هەڵدەگرین

2020.09.04 - 13:32
App store icon Play store icon Play store icon
تیمی ڕوبەڕوبوونەوەى کۆرۆنا لە هەڵەبجە: ئیتر پساین و دەست هەڵدەگرین

ناس کورد-

تیمی ڕوبەڕوبوونەوەى کۆرۆنا لە هەڵەبجە لە مەترسیداری دۆخی دۆخی تەندروستی پارێزگاکە و دەڵێت، "ئیتر پساین و دەست هەڵدەگرین."

کەناڵی ناس کورد لە تێلیگرام جۆین بکە   

 

تیمەکە لە کۆنگرەیەکی ڕۆژنامەوانیدا دەڵێت، لە پارێزگاکە 900 توشبووی کۆرۆنا لەڕێگەی پی سی ئاڕەوە دەستنیشان کراون، بەڵام ڕاستییەکەى ئەوەیە بە شێوەیەکی گشتیی دوو هەزار نەخۆش هەن.

 

دەشڵێت، لەئێستدا باری تەندروستی زیاتر لە 30 نەخۆش لە نەخۆشخانەی وەفا لە شارەکەناجێگیرە و لەژێر ئۆكسجیندان، بۆیە پێویستە نەخۆشخانەی دووەم بکرێتەوە.

 

جەختیکردەوە کە "نزیكەی 50%ی پشكنینەكان پۆزەتیف دەردەچن، ئەوەش زۆرترە لە ناوچەكانی دیكەی هەرێم." 

 

ڕونیشیکردەوە کە تەنها توانای ئەنجامدانی 300 پشکنینی تریان ماوە، دوای ئەوە ئیتر ناتوانن پشکنین بکەن ئەگەر هاوکارییان پێ نەگات.

 

تیمەکە هۆشداری لە مەترسیداری دۆخەکە دەدات و داوا لە سەرۆکى حکومەت و جێگری سەرۆکى حکومەت و وەزارەتی تەندروستی دەکات ئەو خزمەتەى بە شارەکانی تر دەکەن بە هەڵەبجەشی بکەن.

 

ڕاشیگەیاند کە "ئێمە لەژێر فشارداین و ئەگەر لە ماوەیەكی دیاریكراودا حكومەت نەیەتە سەرخەت ناتوانین بەردەوام بین لەبەر ئەوەی پساین وەك یتمی كۆرۆنا دەست لەكارەكانمان هەڵدەگرین".