گه‌ڕان

Shadow Shadow
سیاسه‌تی

شەپۆلی گەرما تا کەى بەردەوام دەبێت؟

پایزێکی گەرم و زستانێکی سەخت.. پێشبینی پێشوەختە بۆ کەشوهەوای ئەمساڵی عێراق و هەرێم

2020.09.02 - 11:15
پایزێکی گەرم و زستانێکی سەخت.. پێشبینی پێشوەختە بۆ کەشوهەوای ئەمساڵی عێراق و هەرێم

ناس کورد-

بەپێیى پێشبینیەکانى کەشناسە دیارەکانى عێراق، شەپۆلى گەرما لە سەرتاسەرى وڵات تا ناوەڕاستى هەفتەى داهاتوو بەردەوام دەبێت هەرچەندە بارانبارین لە هەندێ ناوچە ڕوودەدات.

 

سادق عەتیە، کەشناسیی دیارى عێراقى ڕایگەیاند، بەپێى پێشبینییە سەرەتاییەکان شەپۆلى گەرماکە سەرتاسەرى شارەکان دەگرێتەوە و تا ڕۆژى سێشەممەى هەفتەى داهاتوو بەردەوام دەبێت.


جەختى لەوە شکردووەتەوە، هیچ ئاماژەیەک نییە بۆ دابەزینى پلەکانى گەرما بەمنزیکانە، چونکە بەرزە پاڵەپەستۆی بەری شام و تورکیا بە بەرزی دەمێننەوە و هەواکە گلدەدەنەوە، بەوەش هەوای عێراق فێنک ناکات.

 

کەشناسە دیارەکەى عێراق باىسى لەوەش کردووە، لەماوەى دوو هەفتەى داهاتوو یاخود زیاتر شەپۆلێکى ئاووهەواى شێدار لە شارەکانى بەسڕە و میسان بەردەوام دەبێت و ئاڕاستەى بایش لە ناوەڕاستى هەفتەى داهاتوودا بەرەو ناوچەکانى باکورى خۆرئاوا بگۆڕێت.


عەتیە باسی لەوەشکردووە کە "لە چەند ڕۆژى داهاتوودا لە ناوچە جیاجیاکان باران ببارێت، بەڵام بەهۆى خێرا وەرچەرخانى کەشەوە ناتوانرێت ئەمساڵە شوێنەکانى دیارى بکرێت."


لاى خۆشیەوە واسیق سەلامى، کەشناسی دیکەى ناودارى عێراقى ڕایگەیاندووە، بەپێى پێشبینیە سەرەتاییەکان پایزێکى گەرم و بارانێکى درەنگوەخت و زستانێکى ساردى بارانەوى و بەهارێکى پڕ باران و کۆتاییەکى ئاسایی و سروشتى ڕوو لە عێراق دەکات.

 

ئاماژەى بۆ ئەوەش کردووە، کەشوهەوایەکى هاوینە لە مانگى تشرینى یەکەم بەشێوەیەکى گشتى بەسەر وڵاتتدا زاڵ دەبێت و کەمێک پلەکانى گەرما بەتێکڕا بەرزدەبێت و دواتر دادەبەزێت، بەڵام لە ناوچەکانى باکور (هەرێمی کوردستان) و ناوەڕاست کەمتر بەزردەبێتەوە.

 

باسى لەوەش کردووە، مانگى تشرینى دووەم کەشوهەوایەکى پایزەى سروشتى باڵدەکێشێت بەسەروڵاتدا و لەچەند ناوچەیەک پلەکانى گەرمى دادەبەزێتە خوار 30 پلە.


بەوتەى سەلامی، لەمانگى کانونى یەکەم کەشوهەوا بەشێوەیەکى گشتى پایزی دەبێت و پلەکانى گەرماش دادەبەزێت و دەبێتە 30 پلە و شەوانە سارد دەبێت، هەندێکجار بارانبارین ڕوودەدات و لەنیوەى دووەمى ئەو مانگەشدا کەشوهەوا سارد دەبێت.


سەلامیى باسى لەوەش کردووە، مانگى کانونى دووەم جیاواز دەبێت لەڕووى سەرما و سۆڵە و بەفربارینەوە بەتایبەت لە هەرێمی کوردستان لە هەندێ ناوچە پلەکانى گەرما دادەبەزێت بۆ سفر پلەى سەدى بەتایبەت لەناوچەکانى هەرێمی کوردستان و لەهەندێ ناوچەى دیکە پلەکانى گەرما لەنێوان 5 بۆ 13 پلەى سەدى دەبێت.

 

کەشناسە دیارەکەى عێراق ئەوەشى خستووەتە ڕوو، مانگى شوباتیش پلەکانى گەرما ئاسایى دەبێت بەڵام بارانبارێکى بەردەوام لەو مانگەدا.