گه‌ڕان

Shadow Shadow
سیاسه‌تی

وتەبێژی حکومەتى هەرێم: ئەمڕۆ تاوتوێی دەستپێکی خوێندنی ئەمساڵ دەکەین

2020.09.02 - 09:22
وتەبێژی حکومەتى هەرێم: ئەمڕۆ تاوتوێی دەستپێکی خوێندنی ئەمساڵ دەکەین

ناس کورد-

وتەبێژی حکومەتى هەرێمی کوردستان ڕایگەیاند، ئەمڕۆ کاتژمێر 10:30ی سەرلەبەیانی بە سەرۆکایەتی مەسرور بارزانی و بە ئامادەبوونی قوباد تاڵەبانی کۆبوونەوەی ئاسایی ئەنجوومەنی وەزیران بە شێوازی ڤیدیۆکۆنفرانس ئەنجام دەدرێت.

 

جوتیار عادل لە ڕاگەیەنراوێکدا دەڵێت، "کارنامەی کۆبوونەوەکەش تایبەت دەبێت بە خستنەڕووی بابەتی دەستپێکی (ساڵی خوێندنی نوێی 2020 - 2021) لە سەرجەم ناوەندەکانی خوێندن و خوێندنی باڵا و گفتوگۆکردنی ئەگەر و پێشنیارەکان.

 

زیاتر بخوێنەوە: سێ ئەگەری بەردەم پڕۆسەى خوێندنی ساڵی نوێ لە هەرێم

زیاتر بخوێنەوە: وەزارەتی خوێندنی باڵا کات و میکانیزمی دەستپێکردنەوەی خوێندنی ئەمساڵی ئاشکرا کرد

 

پێشتر وەزیری پەروەردەی  حکومەتی ھەرێمی كوردستان رایگەیاند، پێشنیازیان ئەوەیە پرۆسەی خوێندن لەكاتی خۆی دەست پێبكاتەو، ئاماژەی بەوەشكرد، بۆ ئەو مەبەستە چاوەڕێی ھەڵسەنگاندنی وەزارەتی تەندروستی دەكەن لەبارەی دۆخەكە.   

  

ئالان حەمەسەعید، وەزیری پەروەردەی هەرێم لەمیانەی خەڵاتکردنی خوێندکارە یەکەمەکانی پارێزگای دهۆک، ڕایگەیاند: " بژاردەی ئێمە ئەوەیە دەوامی قوتابخانەكان لەكاتی خۆی دەست پێبكاتەوە".  

  

وتیشی: "پێویستە چاوەڕێی ھەڵسەنگاندنی وەزارەتی تەندروستی بكەین لەبارەی دۆخەكە، ئەگەر ھەڵسەنگاندنی وەزارەتی تەندروستی ئەوەبێت كە دەوام بۆ چەند ھەفتەیەك لەكاتی خۆی دوابخرێت، ئەوا بە باشی نازانین بیر لە بژاردەی دیكە بكەینەوە."

  

ئالان حەمەسەعید باسی لەوەشكرد، دەیانەوێت لەگەڵ پاراستنی گیانی مامۆستا و قوتابیان كواڵێتی خوێندنیش بپارێزن.  

  

وەزیری پەروەردە، جەختیكردەوە، تائێستا ھیچ بڕیارێك دەربارەی گۆڕانكاری لە دەوام نەدراوە، ئەوەی باس دەكرێت تەنھا تاووتوێكردنە و لە حاڵەتی ناچاری پەنا بۆ بژاردەی دیكە دەبەن.  

 

هاوکات وەزارەتی پەروەردەى هەرێم ڕایگەیاند، ڕۆژی 1ی ئەیلولی 2020، پێویستە سەرجەم مامۆستایان لە گشت ناوەندەکانی خوێندن لە هەرێمی کوردستان پەیوەندی بە قوتابخانەکانیانەوە بکەن بە مەبەستی دەستبەکاربوون ب ساڵی خوێندنی 2020/2021.  

  

لە نوسراوێکدا کە هەینی ڕابردوو دەرچووە، وەزارەتی پەروەردە کۆپییەکی بۆ گشت بەڕێوەبەرایەتییە گشتییەکان ناردووە و داواکردووە ئامادەکاری تەواو بکەن بۆ دەستپێکردنی خوێندنی ئەمساڵ.