گه‌ڕان

Shadow Shadow
سیاسه‌تی

ئامارى مانگى رابردوو ئاشکراکرا

هەناردەى نەوتى عێراق کەمیکردووە و داهاتەکەى زیادیکردووە

2020.09.01 - 15:04
هەناردەى نەوتى عێراق کەمیکردووە و داهاتەکەى زیادیکردووە

ناس کورد-

لەمانگى ڕابردوودا ئاستى هەناردەى نەوتى عێراق دابەزینى بەخۆوە بینیوە بەراورد بە مانگى تەموز، بەڵام داهاتەکەى زیادیکردووە، ئەوەش بەهۆى بەرزبوونەوەى نرخى نەوتەوە.

 

وەزارەتى نەوتى عێراق لە بەیاننامەیەکدا ڕایگەیاند، لەمانگى ڕابردوودا (80) ملیۆن و (494) هەزار و ( 536 ) هەزار بەرمیل نەوت هەناردەکراوە، کە داهاتەکەى (3) مليار و (517) مليۆن  و (45 ) هەزار دۆلار بوو، نرخى هەر بەرمیلێکیش بە ( 43.693 ) دۆلار فرۆشرابوو.

 

ئەو ئامارە دابەزینى ئاستى هەناردەى نەوت پیشاندەدات لەمانگى ڕابردوودا بەراورد بە مانگى تەموز، چونکە لەو مانگەدا زیاتر لە 85 ملیۆن بەرمیل هەناردەکرابوو، بەڵام داهاتى مانگى ڕابردووى نەوت زیادیکردووە چونکە لە تەموزدا داهاتەکە 3 ملیار و491 مليۆن و767 هەزار دۆلار بوو.

 

بەپێی بەیاننامەکەى وەزارەتى نەوت، لەمانگى ڕابردوو بەنرخێکى زیاتر نەوتى فرۆشتووە، بەو پێیەى لە تەموزدا هەر بەرمیلێک بە (40.762) دۆلار فرۆشرابوو، بۆیە داهاتى ئەم مانگە بەرزبووەتەوە.



عاسم جیهاد، وتەبێژى وەزارەتى نەوت ڕایگەیاند، لەو بڕە نەوتەى مانگى رابردوو هەناردەکراوە، (77) مليۆن و( 505  ) هەزار و (136) بەرمیلى لەکێڵگەکانى ناوەڕاست و باشورەوە بوو، ئەوەى دیکەى لە کێڵگەکانى کەرکوکەوە بووە.

 

 وتیشى "ئاستى رۆژانەى هەناردەى نەوت دوو ملیۆن و (597) هەزار بەرمیل بووە".