گه‌ڕان

Shadow Shadow
سیاسه‌تی

ستایشى ستراتیژییەتى نوێى عێراق دەکرێت

ناشیۆناڵ ئەنتریست: کازمى هەوڵى چەسپاندنى چەند بنەمایەکى پتەوى باش بۆ عێراقیەکان دەدات

2020.08.31 - 15:06
ناشیۆناڵ ئەنتریست: کازمى هەوڵى چەسپاندنى چەند بنەمایەکى پتەوى باش بۆ عێراقیەکان دەدات

ناس کورد- 

بەگوێرەى ڕاپۆرتە میدیاییەکان وەرچەرخانە ستراتیژییە سیاسیەکانى عێراق بەئاراستەى ناوچەى دەریاى سپى ناوەڕاست هەنگاوێکى گرنگە لەبەرژەوەندى وڵاتە دەوڵەمەندەکانى نەوتدا.

 

ڕاپۆرتێکى گۆڤارى ناشیۆناڵ ئەنتریست بڵاوى کردەوە، هەفتەى ڕابردوو لەکۆبونەوەى لوتکەى نێوان هەر یەکە لە ئوردن و میسردا، مستەفا کازمى، سەرۆکوەزیرانى عێراق لەگەڵ هەریەکە لە شا عەبدوڵاى دووەمى سەرۆکى ئوردن و عەبدولفەتاح سیسى سەرۆکى میسر تاوتوێى چەند پرسێکى گرنگى ئابوورى و سیاسى کرد.

 

ڕاپۆرتەکە ئاماژە بۆ ئەوەش دەکات، کازمى هەوڵى پێکەوە بەستنى عێراق لەگەڵ قوبڕس و یۆنان دەدات ئەوەش دواى ئەوەى کە بەهۆى گرژییەکانى ئەمدواییەى ڕۆژهەڵاتى ناوەڕاست لەنێوان تورکیا و یۆنان، هەریەک لە قوبڕس و یۆنان پشتیان لە دامەزراندنى هاووڵاتى تورک کرد لە وڵاتەکانیان. 

 

گۆڤارەکە ئاماژە بەوە دەکات لە 40%ى دانیشتوانى عێراق ئامادەى کارکردنن لەبازاڕەکانى کار ئەوانەش زیاتر ئەو نەوەیەن کە لەدواى ساڵى 2003 و دواى ڕوخانى ڕژێمى سەدام حسێن لەدایک بوون.



لەدواى سەردانەکەى کازمى بۆ تاران و ڕیاز و واشنتۆن و ئەنجامدانى چەند دیدار و گفتوگۆیەک لەگەڵ بەرپرسانى ئەو وڵاتانە و ئەمریکا لەئێستادا دیپلۆماسیەتى عێراقى لەماوەى دوو مانگى ڕابردوودا چالاک بووەتەوە و جمۆجۆڵەکانى دەستى پێکردووە.

 

لەسەردانەکەشیدا بۆ واشنتۆن مستەفا کازمی چەندین گرێبەستى بازرگانى و وزەى لەگەڵ ژمارەیەک کۆمپانیاى وەبەرهێنەرى ئەمریکیدا واژوو کرد.

 

عێراق هەوڵى هاوسەنگى ڕاگرتن لەپەیوەندییە دیپلۆماسییەکانى نێوان واشنتۆن و تاران دەدات گەرچى ئەوەش کارێکى هێندە ئاسان نیە، بەڵام قۆناغى داهاتوو هەوڵێک دەبێت بۆ کەمکردنەوەى هەژموونى ئێران لەعێراقدا بەتایبەتى لەکەرتەکانى وزە کە تا ئێستا بەغدا پشتی بەتاران بەستووە و واشنتۆنیش هەوڵى کۆتایهاتنى ئەوە دەدات لەڕێگەى دروستکردنى هاریکارى لەگەڵ سعودیە و کوەیت ئەوەش بەئامانجى باشکردنى تۆڕەکانى کارەبا کە لەماوەکانى ڕابردودا گرفتێکى گەورەى بەردەم کابینەکەى کازمى بوو.

 

ڕاپۆرتەکە ئاماژەى بۆ ئەوەش کردووە، کازمیى دەیەوێت چەند بونیادێکى پتەو بۆ ئایندەى عێراق دابنێت کە دوور بێت لەحزبایەتى و عێراقیش ڕۆڵێکى کارا لەناوچەکەدا بگێڕێت.

 

بەگوێرەى گۆڤارەکە، لەدواى قەیرانى کۆرۆناوە کەبووە هۆى دروستبوونى قەیرانى ئابوریش پڕۆژەى چاکسازى کە مستەفا کازمى بانگەشەى بۆ دەکات ئاستەنگى زیاترى بۆ دروستبووە و هەنگاوەکانى لەسەرەتادایە.