گه‌ڕان

Shadow Shadow
سیاسه‌تی

خاچی سور: عێراق یەکێکە لەو وڵاتانەی زۆرترین بێسەروشوێنی تێدایە

2020.08.30 - 15:26
App store icon Play store icon Play store icon
خاچی سور: عێراق یەکێکە لەو وڵاتانەی زۆرترین بێسەروشوێنی تێدایە

ناس کورد-

ڕێکخراوی خاچی سوری نێودەوڵەتی ڕایگەیاند، لە ئێستادا عێراق یەکێکە لە گەورەترین ئەو وڵاتانەی کە لەسەرئاستی جیهاندا زۆرترین ژمارەی کەسانی بێ سەروشوێنبووی تێدایە، ئاماژەی بەوەشکردووە، بەمەبەستی هوشیارکردنەوە لەپرسی بێسەروشوێنبووان هەڵمەتێکیان بۆ ماوەی 10ڕۆژ لەعێراقدا ڕاگەیاندووە.

کەناڵی ناس کورد لە تێلیگرام جۆین بکە   

 

ئەمڕۆ یەکشەممە 30ی ئابی 2020، ڕێکخراوی خاچی سوری نێودەوڵەتی بەبۆنەی یادی ڕۆژی جیهانی ونبووان و بێ سەروشوێنکراوان ڕاگەیاندراوێکی بڵاوکردەوە و تێیدا هاتووە: "هەزاران خێزان لە عێراق بەدەست نەبوونی زانیاریی لەسەر چارەنووسی کەسوکارە بێ سەروشوێنەکانیانەوە دەناڵێن".

 

ئاماژەی بەوەشکردووە: " لەم ڕۆژەدا یادی ئەو کەسانە دەکەینەوە کە بەهۆی بڕیاری دەسەڵاتدارانی جیهانەوە چارنووسیان نادیارە، ئەوەش بووەتە هۆی دروستکردنی نەهامەتییەکی نەبڕاوە بۆ خێزانەکانیان".

 

لە ڕاگەیاندراوەکەدا ئەوەشخراوەتەڕوو:  "بەهۆی چەندین دەیە لەشەر و ململانێی سەربازی، عێراق بووەتە یەکێک لەگەورەترین ئەو وڵاتانەی کە ژمارەیەکی زۆر لە کەسانی ونبوو و بێ سەروشوێنی تێیدا تۆمارکراوە".

 

ڕێکخراوی خاچی سوری نێودەوڵەتی دەڵێت: "هەریەکە لە بێسەروشوێنبووەکانی عێراق چیرۆکێکی تایبەتی هەیە، بەڵام  هەموو خێزانەکانیان بەدەست یەک چیرۆکەوە دەناڵێنن کە ئەوەش نەبوونی زانیارییە لە سەر چارەنووسی کەسە ونبووەکانیان".

 

لەڕاگەیەندراوەکەدا باس لەوەشکراوە: "نێردەی ڕێکخراوی خاچی سور لە عێراق هەموو تواناکانی خستووەتەگەڕ بۆ ئەوەی لەگەڵ دەسەڵاتدارانی عێراق هەماهەنگ بێت لە پێناو دۆزینەوەی چارەنووسی کەسە ونبووەکان، ئەوەش لەڕێگەی پێشکەشکردنی پاڵپشتی هونەری  بۆ فەرمانگەکانی پزیشکی دادی".

 

ڕوونیشکردووەتەوە، ڕێکخراوەکە سەرپەرشتی کاری ئەو لێژنانەی کردووە کە لە نێوان عێراق، ئێران و کوەیت دروست بوون بۆ زانینی سۆراخی ئەو کەسانەی کەلە ئاکامی جەنگەکاندا لە نێوان ئەو وڵاتاندا بێسەروشوێن بوون".

 

ڕێکخراوی خاچی سوری نێودەوڵەتی ئاماژەی بەوەشكردووە، لە 23ی ئەم مانگەدا هەڵمەتێکی هۆشارکردنەوەیان لە بارەی پرسی بێسەروشوێنان لە عێراقدا و بۆ ماوەی 10 ڕۆژ ڕاگەیاندووە.