گه‌ڕان

Shadow Shadow
سیاسه‌تی

ناس کورد ئاشکرای دەکات

ڕاستیی بڕینی موچەى مەسعود بارزانی لە بەغداوە

2020.08.30 - 14:08
ڕاستیی بڕینی موچەى مەسعود بارزانی لە بەغداوە

ناس کورد- 

دواى بڵاوبوونەوەی دەنگۆى دەرکردنى بڕیارێک لەلایەن مستەفا کازمییەوە بۆ بڕینى موچەى خانەنشینى ئەندامانى ئەنجومەنى حوکمى عێراق کە مەسعود بارزانی، جەلال تاڵەبانی چەند سەرکردەیەکی کورد ئەندام بوون تێیدا، ئەندامێکی لیژنەى دارایی پەرلەمانی کوردستان ئەو دەنگۆیانە ڕەتدەکاتەوە و دەڵێت، سەرۆکوەزیران بڕیارى لەو شێوەیەى دەرنەکردووە.

 

لەوبارەیەوە، جەمال کۆچەر، ئەندامى لیژنەى دارایى لە پەرلەمانى عێراق بە ناس کوردى ڕاگەیاند: "کازمیى هیچ بڕیارێکى بۆ بڕینى موچەى ئەندامانى ئەنجومەنى حوکمى پێشوو دەرنەکردووە و ئەو دەنگۆیانەى لەو بارەیەوە بڵاو دەکرێنەوە دوورن لەڕاستییەوە". 

 

وتیشى، پێشتر و لەسەردەمى کابینەکەى عادل عەبدولمەهدیدا چەند پێشنیارێک خرایە بەردەستى بۆ چاکسازى کردن و چارەسەرکردنى بەهەدەردان کە موچەى ئەندامانى ئەنجومەنى حوکم لەعێراقدا ببڕێت، بەڵام ئێستا هەمان نوسراو و پێشنیار بڵاوکراونەتەوە، گوایە کازمى بڕیارى بڕینى موچەى ئەوانەى دەرکردووە.



ڕۆژی 9ی نیسانی 2003 و لەدواى پڕۆسەى داگیرکردنی عێراق و ڕووخانى ڕژێمی بەعسەوە، ئەمریکا بەشێوەیەکى کاتى ئەنجومەنى حوکمى بۆ پڕکردنەوەى بۆشاییەکانى دواى دەسەڵاتى بەعس دروستکرد و لەدیارترین ئەندامە کوردەکانى ئەو ئەنجومەنەش، جەلال تاڵەبانى، مەسعود بارزانى و سەڵاحەدین بەهادین بوون، هەروەها دارا نورەدین، مەحمود عوسمانیش ئەندام بوون. 



دواى ئەنجامدانى یەکەمین هەڵبژاردنى گشتیى لەعێراق، ئەنجومەنەکە هەڵوەشایەوە و ئەندامەکانیشى خانەنشین کران.