گه‌ڕان

Shadow Shadow
سیاسه‌تی

سەرکردە ئەوروپییەکان سەرەیان گرتووە سەردانی عێراق بکەن.. سەرەتا فەڕەنسا و دواتر بەریتانیا

2020.08.29 - 18:27
سەرکردە ئەوروپییەکان سەرەیان گرتووە سەردانی عێراق بکەن.. سەرەتا فەڕەنسا و دواتر بەریتانیا

ناس کورد-

ئەندامێکی لیژنەی پەیوەندییەکانی دەرەوەی پەرلەمانی عێراق ڕایگەیاند، وادەی سەردانەکەی سەرۆکی فەرەنسا بۆ بەغدا کە بڕیاربوو لەم هەفتەیدا ئەنجامبدرێت گۆڕدراوە بۆ مانگی داهاتوو، دەشڵێت، دۆسییەکانی کارەبا و سنور لە گرنگترین ئەو پرسانەن کە لەگەڵ بەرپرسانی عێراق گفتوگۆیان لەسەر دەکات.

 

ئەمڕۆشەممە، 29ی ئابی 2020، موختار موسەوەی، ئەندامی لیژنەی پەیوەندییەکانی دەرەوە لە پەرلەمانی عێراق لە لێدوانێکی ڕۆژنامەوانیدا ڕایگەیاند: "بڕیارە مانگی داهاتوو ئیمانوێل ماکرۆن، سەرۆکى فەڕەنسا سەردانی بەغدا بکات، چونکە سەردانەکەى هەفتەى ڕابردووی دواکەوتووە."

 

ئاماژەی بەوەکرد: "فلورانس پارلی، وەزیری بەرگریی فەرەنسا لەکاتی سەردانەکەیدا بۆ بەغدا بەرپرسانی عێراقی لە گۆرینی وادەی سەردانەکەی ماکرۆن ئاگادارکردووەتەوە".

 

بە وتەی موسەوی: "سەرۆکی فەڕەنسا لە میانی سەردانەکەیدا بۆ بەغدا دۆسییەکانی ئابوری، کارەبا و کێشەی سنورەکانی عێراق لەگەڵ هەردوو وڵاتی ئێران و تورکیا لەگەڵ حکومەتی عێراق تاوتوێدەکات".

  

هەر ئەمڕۆ وەزارەتی دەرەوەی عێراق لە ڕاگەیاندراوێکدا ئاماژەی بەوەکرد، گۆڕینی وادەی سەردانەکەی سەرۆکی فەرەنسا بۆ عێراق کە بڕیاربووە لەم هەفتەیدا ئەنجامبدرێت پەیوەندی بەخشتەی ڕێکخستنەوە ئەو دۆسیانەوە هەیە کە بەنیازە ماکرۆن لەگەڵ بەرپرسانی حکومەتی عێراقدا تاوتوێیان بکات".

 

ئاماژە بەوەشکراوە، "بڕیارە لە ئایندەیەکی نزیکدا هەردوو سەرۆکوەزیرانی بەریتانیا و هۆڵەندا سەردانی بەغدا بکەن".