گه‌ڕان

Shadow Shadow
سیاسه‌تی

حەشدى شەعبى بۆ ئەندامەکانى: خۆڕاگربن و ڕوبەڕوى سوپاى ئەمریکا مەبنەوە

2019.04.24 - 18:28
حەشدى شەعبى بۆ ئەندامەکانى: خۆڕاگربن و ڕوبەڕوى سوپاى ئەمریکا مەبنەوە

 

ناس کورد-

ڕاپۆرتى پێگەیەکى خەلیجى باسلەوە دەکات حەشدى شەعبى عێراقی داواى لە ئەندامەکانى کردووە، خۆیان بەدوور بگرن لە هەر ڕوبەڕوبوونەوەیەکى هێزەکانى ئەمریکا.

.

پێگەى خەلیج ئۆنلاین ڕاپۆرتێکى بڵاوکردۆتەوە، ئاماژەى بەوەکردووە، سەرکردەیەکى حەشى شەعبى فەرمانى کردووە، ئەندامانى حەشدى شەعبى لە هەموو بەرەکاندا بە تایبەت باکور و ڕۆژئاواى عێراق، خۆڕاگربن بەرامبەر هەر جوڵەیەکى هێزەکانى ئەمریکا، وە ڕوبەڕوى ئەو هێزە نەبنەوە بەهەر هۆکارێک.

.

ڕاپۆرتەکە باسى لەوەشکردووە، سەرچاوەیەک لەنێو حەشدى سەعبییەوە ڕایگەیاندووە: "حەشدى شەعبى کۆبوونەوەیەکییان ئەنجامداوە، بۆ تاووتوێکردنى ئەو زانیارییانەى بە دەستیان گەیشتووە، لەبارەى ئەوەى 'ئەمریکا دەیەوێت ئیستیفزازى حەشد بکات' بۆ ئەوەى وەڵامى هەبێت و ئەمریکا دژ بەو هێزە دۆسیە بجوڵێنێت".

.

ئەو سەرچاوەیە ئاماژەى بەوەشکردووە، ئەو گشتاندنەى بۆ حەشدى شەعبى دەرکراوە جەختى لەسەر ئەوە کردۆتەوە "بەهیچ جۆرێک هێزەکانى حەشد ڕوبەڕوى هێزەکانى ئەمریکا نەبنەوە و تەقە لەو هێزە نەکەن".

.

ڕاپۆرتەکەى ئەو پێگە خەلیجییە ئاشکراى کردووە: "لە نێو گشتاندنەکەى ئەو هێزەدا هاتووە، دۆسیەى دەرکردنى ئەمریکا لە خاکى عێراق بەردەوام کارى لەسەر دەکرێت و بەمنزیکانە هێزەکانى ئەمریکا لە خاکى عێراق دەچنە دەرەوە".

.

.