گه‌ڕان

Shadow Shadow
سیاسه‌تی

وەزارەتى خوێندنى باڵا ئه‌نجامى تاقیکردنەوەى خولەکانى توانستى زمانى ئینگلیزى ڕادەگەیەنێت

2020.08.27 - 20:53
وەزارەتى خوێندنى باڵا ئه‌نجامى تاقیکردنەوەى خولەکانى توانستى زمانى ئینگلیزى ڕادەگەیەنێت

ناس کورد-

وەزارەتى خوێندنى باڵا و توێژینەوەى زانستى رایگەیاند، ئەمشەو  ئەنجامى تاقیکردنەوەى خولەکانى توانستى زمانى ئینگلیزى لە زانکۆکانى هەرێمى کوردستان بۆ خوێندکارانی خوێندنی باڵا و خوازیارانى بەدەستهێنانى نازناوى زانستى ڕادەگەیەنێت.

 

د. محمد حوسێن، سەرۆکى دەزگاى سەرپەرشتى و دڵنیایى جۆرى و سەرۆکی لێژنەی تایبەت بە پێداچوونەوە بە مەرج و ڕێنماییەکانی زمانی ئینگلیزی و ڕێکخستنەوەی کارو چالاکیەکانی سێنتەرەکانی زمان لە وەزارەتى خوێندنى باڵا و توێژینەوەى زانستى لە لێدوانێکدا ئاماژەى بەوە کرد، ئەمشەو  (پێنجشەممە، 27ى ئابى 2020) ئەنجامى تاقیکردنەوەکانى خولەکانى توانستى زمانى ئینگلیزى لە سەنتەرى زمانى زانکۆکانى هەرێمى کوردستان بۆ خوێندکارانی خوێندنی باڵا و خوازیارانى بەدەستهێنانى نازناوى زانستى لەلایەن سێنتەرەکانەوە ڕادەگەیەنرێت.

 

ئاماژەی بەوەشکرد لەسەر ڕاسپاردەی وەزیری خوێندنی باڵا و توێژینەوەی زانستی سەنتەرەکان ڕاسپێردراون کە بە خێرایی کاروبارەکان ڕابپەڕێنن بۆ ئەوەی بە زوترین کات ئەنجامەکان ڕابگەیەندرێت.

 

د. محمد حوسێن جەختى کردەوە ‌ خوێندکارانی خوێندنی باڵا و خوازیاران دەتوانن سەردانى  وێبسایتى سەنتەرەکانى زمان و وێب سایتى زانکۆکان بکەن بۆ وەرگرتنەوەى ئەنجامەکانیان.

 

ئاماژەى بەوەش کرد،  ژمارەی بەشداربوان بۆ سەرجەم ئاستەکان لە سەرجەم سەنتەرەکان ( ٧١٦ ) بەشداربو بوە، دواى دەرچونى ئەنجامەکان بۆ ماوەى ٧٢ سەعات کاندیدان و خوازیاران دەرفەتیان لە پێشە بۆ پەڵپ گرتن لە ئەنجامەکانیان تاکو کۆتایى دەوامى فەرمى ڕۆژى یەک شەممە ڕێکەوتى (٢٠٢٠/٨/٣٠) ئەمەش لەڕێگەی ئیمەیلی تایبەت بە سەنتەرەکان کە لەگەڵ ڕاگەیاندنی ئەنجامەکان دادەنرێت.