گه‌ڕان

Shadow Shadow
سیاسه‌تی

خوشکی دیکتاتۆرە گەنجەکە هەموو دەسەڵاتێکی گرتووەتەدەست.. کۆریای باشور زانیاری ئاشکرا دەکات

2020.08.26 - 12:13
خوشکی دیکتاتۆرە گەنجەکە هەموو دەسەڵاتێکی گرتووەتەدەست.. کۆریای باشور زانیاری ئاشکرا دەکات

ناس کورد-

وەزیرى بەرگریی کۆریاى باشور ڕایدەگەیەنێت، کیم یۆ جۆنگى خوشکى سەرۆکى کۆریاى باکور کۆنتڕۆڵى دەزگایەکى حزبى دەسەڵاتدارى ئەو وڵاتە کردووە کە سەرچاوەى کۆنترۆڵکردنى وڵاتە.

 

جۆنگ کیۆنگ دو، وەزیرى بەرگریی کۆریای باشورى لە کۆبوونەوەیەکى لیژنەى بەرگریی پەرلەمانى وڵاتەکەیدا ڕایگەیاند، خوشکە بچوکەکەى سەرۆکى کۆریاى باکور کە جێگرى یەکەمى لیژنەى ناوەندى حزبى کرێکارى کۆریاى باکورە دەستى گرتووەتە سەر بەڕێوەبردنى ڕێکخستن و ڕێنمایەکانى سەر بە حزبەکەیدا.

 

خوشکەکەى کیم بەرەو کۆنتڕۆڵکردنى وڵات

بە وتەى وەزیرى بەرگریی کۆریاى باشور، دەزگاى ڕێکخستن و ڕێنمایی پارتى کرێکارى کۆریاى باکور سەرچاوەیەکى سەرەکى دەسەڵاتە لە کۆریاى باکوردا.

 

ئاماژەى بۆ ئەوەش کردووە، کیم بۆنگ جۆنگى سەرۆکى کۆریاى باکور هەندێ لە دەسەڵاتەکانی داوەتە یاریدەدەران و کەسە نزیکەکانى لەهەمان کاتیشدا لەو باوەڕەدایە کە هێشتا کیم کۆنتڕۆڵى وڵات و حزبەکەى و سوپا لەدەستیدایە.

 

پێشتریش دەزگاى هەواڵگریی کۆریاى باشور ئەوەى ڕاگەیاند، خوشکەکەى کیم لە کاروبارى نیشتیمانیدا کاردەکات سەربارى ئەوەش بەرپرسە لە سیاسەتەکانى پیونگ یانگ لە بەرانبەر واشنتۆن و سیئۆلدا بەڵام هیشتا سەرۆکى کۆریاى باکور جێنشینى خۆى دەستنیشان نەکردووە؟

 

کۆریاى باشور ئامادەیە بۆ هێرشی سەربازى

وەزیرى بەرگریی کۆریاى باشورى باسى لەوەش کردووە، چاودێرى هیچ چالاکییەکى نائاساییان لەلایەن کۆریاى باکورەوە نەکردووە و لە وەڵامى گەر کۆریاى باکور هەر پێشێلکارییەکى ئەنجامدا وتى: "بەڵێ ئامادەسازیمان بۆ وەڵامدانەوە هەیە و هەموو هەوڵێکى بۆ پاراستنى کۆریای باشور و بۆ پاراستنى سەروو ماڵیان دەخەنە گەڕ."

 

ئەوەشى خستەڕوو، کۆریاى باکور بەردەوامە لە پێشخستنى موشەکى بالیستى لەڕێگەى ژێر ئاوییەکانى کەناراوەکانى خۆرهەڵاتى وڵاتەکەیانەوە.

 

دەشڵێت، کۆریاى باکور تواناى بەکارهێنانى وەشانى موشەکى هەیە لەڕێگەى پێگەى ژێر ئاوییەکانیەوە و چەند تاقى کردنەوەیەکى هاوشێوەشى ئەنجامداوە.