گه‌ڕان

Shadow Shadow
سیاسه‌تی

ژنێک داوای جیابوونەوە لە مێردەکەی دەکات

بەپاساوی توشبوون بەکۆرۆنا هاوسەر دەتوانێت لە هاسەرەکەی جیابێتەوە؟

2020.08.24 - 15:36
App store icon Play store icon Play store icon
بەپاساوی توشبوون بەکۆرۆنا هاوسەر دەتوانێت لە هاسەرەکەی جیابێتەوە؟

ناس کورد-

دادەورێکی عێراق ڕایگەیاند، توشبوون بە ڤایرۆسی کۆرۆنا پاساوێکی بەهێزنییە بۆ جیابوونەوە ( تەڵاق) و کۆتایهێنان بەژیانی هاوسەرێتی، دەشڵێت، یاسای کەسێتیی عێراقی  توشبوون بەنەخۆشی نەخستووەتە چوارچێوەی ئەو هۆکارە یەکلاکەرەوانەی کە ڕێگەدەدەن بە جیابوونەوەی دوو هاوسەر.

کەناڵی ناس کورد لە تێلیگرام جۆین بکە   

 

لەماوەی ڕابردوودا، بەشی ڕاگایەندنی ئەنجومەنی باڵای دادوەری عێراق بڵاویکردەوە: " ژنێکی خەڵکی شاری بەغدا داوایەکی پێشکەش بە یەکێک لە دادگاکانی کەسێتیی شارەکە کردووە کە تێیدا داوادەکات بەهۆکاری توشبوونی هاوسەرەکەی بە ڤایرۆسی کۆرۆنا لێی جیابێتەوە".  

 

لەوباریەوە دادوەر مورتەزا غەریباوی، دادوەری عێراقی ڕایگەیاند، "یاسای کەسێتی عێراق بەگوێرەی مادەی (40) لەیاساکە ڕێگەی داوە ژیانی هاوسەرێتی کۆتایی پێبێت تەنها لەچەند حاڵەتێکدا، ئەگەر هاوسەرەکە بوو بە هۆکاری گەیاندنی زیان بەهاوسەرەکەی و منداڵانەکانی، وەک ئاڵودەبوون بە مادە هۆشبەرەکان، کهولییەکان کەئەوەش دەبێت بە پێی ڕاپۆرتی پزیشکی پشتڕاستبکرێتەوە، یاخود هاوسەرەکە تۆمەتبارکرا بە ئەنجامدانی (قومار) لە ماڵی هاوسەرێتیدا".

 

غەریباوی ئاماژەی بەوەشکردووە: "یاسای عێراقی ئاماژەی بە زیانەکە کردووە، بەڵام جۆری زیانەکەی دیارینەکردووە، لەگەڵ ئەوەشدا جەختیلەوە کردووەتەوە کەزیانەکە هەرچییەک بێت دەبێت کاریگەری هەبێت لە سەر بەردەوامبوونی ژیانی هاوسەرێتی، ڕێژەی دیاریکردنی زیانەکەش یاسا  خستوویەتییە ئەستۆی دادگا".

 

ئەو دادوەرە ڕوونیکردووەتەوە:  "ناوەڕۆکی یاساکە لاستیکییە و دەرفەتی ئەوە هەیە لەسەر ئەو یاسایە حاڵەتە تازە دەرکەوتووەکان جێبەجێبکرێت، بەڵام ئەوە پێویستی بە ڕای پزیشکی هەیە، چونکە ئەگەر پزیشک ئەوەی سەلماند کە ژیانی هاوسەرێتی لەگەڵ نەخۆشییەکەدا مەحاڵە ئەوا دادگا بەپێی ئەو ڕایە کاردەکات، بەڵام ئەگەر پێچەوانە بوو ئەو دۆسیەکە ڕەتدەکاتەوە".