گه‌ڕان

Shadow Shadow
سیاسه‌تی

تەقینەوەیەکی دیکە سریلانکای هەژاند

2019.04.24 - 08:41
App store icon Play store icon Play store icon
تەقینەوەیەکی دیکە سریلانکای هەژاند

کەناڵی ناس کورد لە تێلیگرام جۆین بکە   

ناس کورد-

تەقینەوەیەکی دیکە وڵاتی سریلانکای هەژاند و ئەمجارە سینەمایەکی شاری کۆڵۆمبۆی ئەو وڵاتە بە ناوی سافوی کرایە ئامانج.

.

بەرەبەیانی ئەمڕۆ چوارشەممە 24ی نیسانی 2019 دەیەمین تەقینەوە لە ماوەی سێ ڕۆژی ڕابردوودا لە سریلانکا ڕوویدا و ئەمجارە سینەمای (سافوی) لە شاری کۆڵۆمبۆ کرایە ئامانج، بەڵام تا ئێستا نازانرێت لە تەقینەوەکەدا چەند کەس بوونەتە قوربانی.

.

رۆژی 21ی نیسانی 2019، هەشت تەقینەوەی یەك لەدوای یەك شاری كۆڵۆمبۆی پایتەخت و چەند شارێكی دیكەی سریلانكایان هەژاند، تەقینەوەكان لەكاتی بەڕێوەچوونی جەژنی قیامەی مەسیحییەكانی ئەو وڵاتە ڕوویدا.

.
تەقینەوەكان كە دوانیان خۆكوژی بوون سێ كڵێسا و چوار ئوتێلیان كردە ئامانج، پۆلیسی ئەو وڵاتەش 24 كەسی دەستگیركردووە بە تۆمەتی تێوەگلانیان لە تەقینەوەکان.

.

هاوکات دوێنێ سێشەممە، رێكخراوی داعش لە رێگەی ماڵپەرەكەیەوە بەرپرسیارێتی خۆی لە تەقینەوەكانی سریلانكا ڕاگەیاند.