گه‌ڕان

Shadow Shadow
سیاسه‌تی

موڵکی سەرمایەدارە قەرزدارەکانی حکومەت لەژێر ڕەحمەتی واژۆیەکی دادگای تەنفیزیدان

2020.08.22 - 16:42
موڵکی سەرمایەدارە قەرزدارەکانی حکومەت لەژێر ڕەحمەتی واژۆیەکی دادگای تەنفیزیدان

ناس کورد-

سەرۆکى لیژنەى دارایى لە پەرلەمانى کوردستان ڕایگەیاند، فەرمانگاى دادگای تەنفیزیى شارەکان بەشدارى لە جێبەجێکردنى بڕیارى فرۆشتنى موڵک و ماڵى سەرمایەدارە قەرزدارەکان دەکەن و جەخت دەکاتەوە کە یاساکە بەسەر سەرمایەدارە نزیکەکانى حزبەکانى دەسەڵاتىش جێبەجێ دەکرێت.

 

لە ماوەی ڕابردوودا، بڕیاری فرۆشتنی ڕەهنى ئەو وەبەرهێنان و سەرمایەدارانە درا کە قەرزداری حکومەتى هەرێمن و قەرزەکەیان نەداوەتەوە، ئەوەش یەکێکە لە بڕگەی یاسای چاکسازی.



سەرۆکى لیژنەى دارایى لەبارەى شێوازى جێبەجێکردنى یاساکە تایبەت بە ناس کوردی وت، یەکێک لەو دەزگایانەى کە بەشدارە لە جێبەجێکردنى یاساکە فەرمانگەى دادگاى تەنفیزى شارەکانە کە بەو کارە هەڵدەستن.

 

وتى، "زۆربەى ئەوانەى قەرزارى حکومەتن و پارەى حکومەتیان لەلایە لەو کەسانەن کە نزیکى حزبەکان و کەسانى دەستڕۆیشتووى ناو حزبەکانن، گەر یاساکە بەسەر ئەواندا جێبەجێ نەکرێت ئیدى بەسەر کێدا جێبەجێبکرێت، بە دڵنیایەوە یاساکە بەسەر هەمواندا و بەپێى یاساى چاکسازى جێبەجێ دەکرێت."

 

چەند ڕۆژێک پیش ئیستا وەزارەتى دارایى حکومەتى هەرێم بڕیارێکى دەرکرد بۆ جێبەجێکردنى بەندێکى یاسایى چاکسازى کە تایبەتە بەگەڕانەوەى قەرزى حکومەت لەلاى وەبەرهێنەر و سەرمایەدارەکانى هەرێم ئەوەش لەڕێگەى فرۆشتنى ئەو موڵک و ماڵەى کە وەبەرهێنەرە قەرزراەکان وەک گەرەنتى لەلاى حکومەت دایناون.