ناس کورد-
دۆناڵد ترەمپ، سەرۆکى ئەمریکا ڤیدیۆی پێشوازیکردنی لە مستەفا کازمی، سەرۆکوەزیرانی عێراق لە تویتەرەکەى خۆی بڵاوکردەوە.
کەناڵی ناس کورد لە تێلیگرام جۆین بکە
لە گرتە ڤیدیۆییەکەدا دەردەکەوێت کە ترەمپ لە دەرگای کۆشکی سپی ڕادەوەستێت و پێشوازی لە کازمی دەکات، پاشان دەچنە ژورەوە.
https://t.co/9ZPRTEBbHP pic.twitter.com/Lw2KndUOJy
— Donald J. Trump (@realDonaldTrump) August 20, 2020
دواى كۆبونەوەکەش، ترەمپ و کازمی ڕاگەیەندراوێكی هاوبەشیان دەرکرد و تێيدا تەئكيد كراوەتەوە، هەردوولا لە كارى هاوبەش بەردەوام دەبن بۆ لەناوبردنى داعش.
لە ڕاگەیەندراوە هاوبەشەکەدا هاتووە، هاوبەشى ستراتيژى نێوان ئەمريكا و عێراق لەسەر بنەماى خواستى هاوبەشى ئاسايش و گەشەسەندنە.
ڕونيشكراوەتەوە، هێزەكانى هاوپەيمانى دژى ڕێكخراوى داعش و هێزە عێڕاقيەكان بەيەكەوە ڕێكخراوى داعشيان ڕووخاند، هەروەها لە كارى هاوبەش بەردەوام دەبين بۆ گرەنتيكردنى ئەوەى ڕێكخراوەكە نەتوانێت هەڕەشە لەسەر عێراق و وڵاتانى تريش دروست بكات.
ڕاگەیەندراوەکە تەئكيدى لەوەشكردووە، دووبارە تەئكيد لە پابەندبوونمان دەكەينەوە بۆ بنيادنانى هێزى سەربازى عێڕاق و بەرپەرچدانەوەى هەڕەشەكان لەسەر بەرژەوەندييە هاوبەشەكانمان.
هەر بەپێى هەمان بەياننامە، هاوكارى ئەمنى هەوڵەكانمان لەبوارى هاوكارى ئابورى و مرۆيى سياسى و ڕۆشنبيرى بەهێز دەكات.
ئەوەش هاتووە، بڵاوبونەوەى ڤايرۆسى كۆرۆنا تەئيكدى لە گرنگى كاركردن بەيەكەوە كردەوە بۆ بنيادنانى عێراقێكى پێشكەوتوو و سەقامگير كە هەلى كار و خزمەتگوزارى بۆ هاوڵاتيان دابين بكات و وەك هێزێكى سەقامگيرى لە ڕۆژهەڵاتى ناوەڕاست كاربكات.
