گه‌ڕان

Shadow Shadow
سیاسه‌تی

کۆمەڵ و یەکگرتوو لەسەر بڕینی موچە پرساندن لە حکومەت دەکەن

واژۆی پێویست ’’بۆ پرساندنی مەسرور بارزانى و قوباد تاڵەبانى و ئاوات شێخ جەناب لە پەرلەمان’’ کۆکراوەتەوە

2020.08.19 - 13:22
واژۆی پێویست ’’بۆ پرساندنی مەسرور بارزانى و قوباد تاڵەبانى و ئاوات شێخ جەناب لە پەرلەمان’’ کۆکراوەتەوە

ناس کورد-

سەرۆکى فراکسیۆنى یەکگرتوو لە پەرلەمانى کوردستان ڕایگەیاند، واژۆى پێویستیان کۆکردووەتەوە بۆ پرساندنى سەرۆکى حکومەت و جێگرەکەى و وەزیرى دارایی لەسەر چەند پرسێک كە یەکێکیان بڕینى موچەى فەرمانبەرانە.

 

شێرکۆ جەودەت، سەرۆکى فراکسیۆنى یەکگرتوو لە پەرلەمانى کوردستان بە ناس کوردى ڕاگەیاند: "هەردوو فراکسیۆنى یەکگرتوو، کۆمەڵ بەهاوکارى لەگەڵ چەند پەرلەمانتارێکى تر دەستیان کردووە بە کۆکردنەوەى واژۆ بۆ پرساندنى سەرۆکى حکومەت و جێگرەکەى و وەزیرى دارایی".

 

ڕونیشیکردەوە کە "ئامانج لە پرساندنەکە وەڵامدانەوەى پرسیارەکانمانە لەبارەى لێبڕینى موچەى فەرمانبەران، رێککەوتنى نێوان هەرێم و بەغدا".

 

شیرکۆ جەودەت باسى لەوەشکرد، 22 واژۆیان کۆکردووەتەوە کە رێژەیەکى یاسایی پێویستە بۆ پرساندنەکە و ئاڕاستەى سەرۆکایەتى پەرلەمانى دەکەن بۆ ئەوەى رەوانەى حکومەتى بکات.

 

حکومەتى هەرێم لەچەند رۆژى ڕابردوودا بڕیاریدا موچەى ئەم مانگەى فەرمانبەران هاوشێوەى مانگى ڕابردوو بە لێبڕینى 21% دابەشبکرێت.