گه‌ڕان

Shadow Shadow
سیاسه‌تی

’’ناکرێت بکرێتە قوربانی ململانێی سیاسی و قاچاخچێتی’’

یەکەم لێدوانی بەرهەم ساڵح لەسەر ڕێککەوتنی هەرێم و بەغدا.. ’’ڕێککەوتنەکە کاتییە’’

2020.08.18 - 16:23
یەکەم لێدوانی بەرهەم ساڵح لەسەر ڕێککەوتنی هەرێم و بەغدا.. ’’ڕێککەوتنەکە کاتییە’’

ناس کورد-

بەرهەم ساڵح، سەرۆککۆماری عێراق ڕایگەیاند، ڕێککەوتنێ هەرێم و بەغدا هەنگاوێکی باشە و موچەش مافێکی ڕەوای خەڵکە و "ناکرێت بکرێتە قوربانی ململانێی سیاسی و بەرژەوەندی شەخسی و قاچاخچێتی."

 

ئەمڕۆ سێشەممە، 18ی ئابی 2020، بەرهەم ساڵح لە لێدوانێکدا بۆ ڕۆژنامەنوسان وتی، "ڕێککەوتنەکە هەنگاوێکی گرنگە بە ئاڕاستەى چارەسەرکردنی کێشەکان و هیوادارم وەک خۆی جێبەجێ بکرێت."

 

وتیشی، "گرنگە جێبەجێکردنی ڕێککەوتنەکە زەمینەسازی بکات بۆ ئەنجامدانی ڕێککەوتنێکی گشتگیر بۆ کۆتایی هێنان بەم کێشانە."

 

ئاماژەى بەوەشکرد، موچەى خەڵک مافێکی دەستوری و ڕەوای خەڵکە، ناکرێت چیتر گیرۆدەى ململانێی سیاسیی و بەرژەوەندی تایبەت و قاچاخچیەتی بێت، دەبێت ڕێککەوتنێکی گشتگیر بکرێت چونکە ئەم ڕێککەوتنەکە کاتییە تاوەکو بودجەى ساڵی داهاتوو پەسەن دەکرێت."