گه‌ڕان

Shadow Shadow
سیاسه‌تی

دەستەى دەستپاکى: زیاتر لە 4 ترلیۆن دینار بۆ خەزێنەى حکومەت گەڕێنراوەتەوە

2020.08.18 - 08:33
App store icon Play store icon Play store icon
دەستەى دەستپاکى: زیاتر لە 4 ترلیۆن دینار بۆ خەزێنەى حکومەت گەڕێنراوەتەوە

ناس کورد-

سەرۆکى دەستەى دەستپاکى عێراق رایگەیاند، لەماوەى دوو ساڵى رابردوودا لەلایەن دەستەکەیانەوە توانراوە زیاتر لە 4 ترلیۆن دینار بگەڕێنرێتەوە بۆ خەزێنەى حکومەت.

 

کەناڵی ناس کورد لە تێلیگرام جۆین بکە   

مەزهەر ترکى عەبد، سەرۆکى دەستەى دەستپاکى عێراق بە وەکالەت، لە میانەى لێدوانێکى ڕۆژنامەوانیدا ئاماژەى بەوە کرد "لە ئەنجامى بەدواداچوون و لێکۆلینەوەکانى دەستەى دەستپاکى توانراوە چەندین گوژمەى داهاتى گشتى بگەڕێنرێتەوە و سەرپیچیکاران بدرێنە دادگا و لەلایەن دەستەکەوە ڕێگرى کراوە لە بەهەدەردانى داهاتى گشتى".

 

وتیشى "کۆى گشتى ئەو پارانەى کە لە دوو ساڵى رابردوودا ڕێگرى لە بەهەدەردانى کراوە و گەڕێنراوەتەوە بۆ خەزێنەى گشتى بریتى بووە لە زیاتر لە چوار تریلیۆن دینار".

 

سەرۆکى دەستەکە رونیکردەوە، لەساڵى 2019دا دەستەکەیان لەڕێگەى پێکهێنانى لیژنەکانییەوە توانیویەتى رێگرى بکات لە بەهەدەردانى داهاتى گشتى و بڕى 2848053153892 دینار بگەڕێنێتەوە بۆ خەزێنەى وڵات، ئەمە لەکاتێکدا لە ساڵى 2018 توانراوە بڕى 1669085047718 دینارى عێراقى بگەڕێنرێتەوە ناو خەزێنەى وڵات.