گه‌ڕان

Shadow Shadow
سیاسه‌تی

هەپەگە ’’خستنەخوارەوەى کۆپتەرێکی تورکیای’’ لە حەفتانین ڕاگەیاند

2020.08.17 - 17:24
هەپەگە ’’خستنەخوارەوەى کۆپتەرێکی تورکیای’’ لە حەفتانین ڕاگەیاند

ناس کورد-

هێزەکانی پاراستنی گەل (هەپەگە) خستنەخوارەوەى کۆپتەرێکی سەربازیی تورکی لە ناوچەى حەفتانینی هەرێمی کوردستان ڕاگەیاند.

 

ئەمڕۆ دووشەممە، 17ی ئابی 2020، ناوەندی ڕاگەیاندن و چاپەمەنی هەپەگە لە بارەی چالاکیی گەریلاکانیان لە ناوچەى حەفتانین ڕاگەیێنراوێکی بڵاوکردەوە و دەڵێت، "هێزەکانمان ڕۆژی 16ی ئاب، کاتژمێر 10ی سەرلەبەیانی لە ناوچەی چوارچەلای سەر بە هەرێمی زاگرۆس لە دژی ژمارەیەک کۆپتەری جۆری سکۆرسکیی سوپای تورکیا چالاکیان ئەنجامدا و گورز لە یەکێک لە کۆپتەرەکان وەشێنرا و بە پێی زانیاریەکان، ئەو کۆپتەرەی گورزی بەرەوتووە، نەیتوانیوە دوور بکەوێتەوە و کەوتووەتە خوارەوە."

 

دەشڵێت، هێزەکانمان دوای 10 خولەک لە کۆپتەرێکی تری جۆری سکۆرسکیان دا کە لەو گردەوە بە نیاز بوو بگەڕێتەوە بارەگای خۆی، ئەو کۆپتەرەش کە گورزی بەرکەوت، بە ناچاری بەرە ناوچەی گەڤەری سەر بە جۆلەمێرگ هەڵهات."

 

دەشڵێت، "ئەو چالاکیە بۆ یادکردنەوەی فەرماندە عەگید گارزان و دوو فەرماندەکەی سوپای عیڕاق ئەنجامدرا کە لە ئەنجامی هێرشی دەوڵەتی داگیرکەری تورکدا شەهید ببوون."