گه‌ڕان

Shadow Shadow
سیاسه‌تی

گەرووی هورمز چییە و ئەگەر دابخرێت چی روودەدات؟

2019.04.23 - 10:27
App store icon Play store icon Play store icon
گەرووی هورمز چییە و ئەگەر دابخرێت چی روودەدات؟

کەناڵی ناس کورد لە تێلیگرام جۆین بکە   

ناس كورد-
حسێن خانزادی فەرماندەی هێزی دەریایی سەر بە سوپای پاسدارانی ئێران، هۆشداری ئەوەیدا ئەگەر ئەمریكا رێگە بە ئێران نەدات گەرووی هورمز بەكاربهێنێت، ئەوا وڵاتەكەی گەرووەكە بە ڕوی هاتووچۆی كەشتیوانی دادەخات.

.

لەبەرامبەر هەڕەشەكەی ئێران، بەرپرسانی ئەمریكا هۆشداری ئەوەیاندا كە هەر هەنگاوێك لەلایەن ئێرانەوە بنرێت بۆ داخستنی گەرووی هورمز، مایەی قبوڵكردن نابێت و كاردانەوەی توندیان دەبێت بەرامبەری.

.

پرسیاری گرنگ لە ئێستادا لەبارەی گرنگی و بایەخی ئەم گەرووەیە كە ململانێی لەسەر دەكرێت، گەرووی هورمز چییە و چ بایەخێكی هەیە؟.

.
درێژی گەرووی هورمز 158 كیلۆمەترە لە بەندەر عەباسەوە تا كەنداوی عەمان. پانی هەردوو دەروازەی هاتنە ناوەوە و دەرچوونی گەرووەكە 10.5 كیلۆمەترە و قوڵییەكەی دەگاتە 60 مەتر.

.

وڵاتی ئێران كۆنتڕۆڵی بەشی باكوری گەروەكەی بەدەستەوەیە و بەشی باشوریشی لەژێر كۆنتڕڵی عەماندایە.

.
ڕۆژانە زیاتر لە17ملیۆن بەرمیل نەوت لە گەرووی هورمزەوە هەناردە دەكرێت و بە گشتی یەك لەسەر سێی نەوتی هەموو جیهان لە گەرووی هورمزەوە دەگوازرێتەوە.

.
ئێران و كوەیت و قەتەڕ و سعودیە و عێراق و ئیمارات زۆرینەی نەوتەكەیان لەڕێگەی گەرووی هورموزەوە هەناردە دەكەن و وڵاتی ژاپۆن گەورەترین كڕیاری نەوتە لە گەرووی هورمزەوە.

.

شارەزایەكی ئابوری جیهانی جەخت لەسەر ئەوە دەكاتەوە "ئەگەر دوو مانگ گەرووی هورمز دابخرێت بەرمیلێك نەوت دەگاتە 250 دۆلار".

.