گه‌ڕان

Shadow Shadow
سیاسه‌تی

ئێمە و كۆمەڵ هیچ خاڵێكی هاوبەشمان نەبووە و نییە

سەركردایەتییەكی پارتی بۆ عەلی باپیر: سوپاس كە بەشداری حكومەت ناكەن

2019.04.23 - 09:36
سەركردایەتییەكی پارتی بۆ عەلی باپیر: سوپاس كە بەشداری حكومەت ناكەن

ناس كورد-

ئەندامێكی ئەنجوومەنی سەركردایەتی پارتی دیموكراتی كوردستان سوپاسی عەلی باپیر ئەمیری كۆمەڵی ئیسلامی دەكات، كە كابینەی نوێی حكومەتی بە شایەنی بەشداریكردن نازانێت و ئاماژە بەوەش دەكات كە پارتی و كۆمەڵ هیچ خاڵێكی هاوبەشیان نەبووە و نییە.

.

ئاراس حەسۆ میرخان، ئەندامی سەركردایەتی پارتی دیموكراتی كوردستان لە هەژماری خۆی لە فەیسبووك، نووسیویەتی "زۆر دڵخۆش بووم بەوەی كە ئەمیری كۆمەڵی ئیسلامی ئەم حكومەتەی بە شایانی ئەوە نەزانی تێیدا بەشداربن، چونكە زۆرینەی كادیر و لایەنگرانی پارتی ترسی ئەوەیان هەبوو جارێكی تر پارتی رازی ببێ كۆمەڵی ئیسلامی بەشدار بكات لە حكومەتدا".

.

دوێنێ (دووشەممە)، عەلی باپیر ئەمیری كۆمەڵی ئیسلامی لەمیانەی لێدوانێكی بۆ رۆژنامەنووسان ئاماژەی بەوە كرد، كابینەی نوێ بە شایستەی ئەوە نازانێت حزبەكەی بەشداری تێدا بكات.

.

لەو بڕوایەشدا بوو كە بەشداریكردنی كۆمەڵ لە حكومەت لە ئێستادا خێری تێدا نەماوە و پێی باشە بەشداریی نەكەن.
ئاراس حەسۆ میرخان جەخت لەسەر ئەوە دەكاتەوە كە هەڵوێستەكەی ئەمیری كۆمەڵی ئیسلامی كادرانی پارتی ئاسودەكردووە و روونیدەكاتەوە، ئەوان و كۆمەڵ هیچ خاڵێكی هاوبەشیان نەبووە و نییە، تا بە یەكەوە شەریكی حوكمرانی بن.

.