گه‌ڕان

Shadow Shadow
سیاسه‌تی

بەرهەمەكانی هواوی دەكەونە بەر گومان

2019.02.18 - 20:32
بەرهەمەكانی هواوی دەكەونە بەر گومان

 

ناس كورد-

 

ڕاپۆرتێكی فەرمی بەریتانیا ئامێرەكانی كۆمپانیای " هواوی" بە مەترسی لەسەر ئاسایشی وڵات دادەنێت و كۆمپانیاكەش بەڵێنی رەواندنەوەی ئەو مەترسیانە دەدات و پارەیەكی زۆریش بۆ ئەو مەبەستە تەرخان دەكات.

بە پیێ یاسای هەوالگری چین دەبێت هەموو دەزگاكانی وڵات هاوكاری دەزگای هەواڵگری چین بكەن، كە ئەمەش ترسێكی لای وڵاتانی ڕۆئاوا دروست كردوە سەبارەت بە ئامێرەكانی كۆمپانیای "هواوی" .

لە بەرامبەردا كۆمپانیای هواوی بەئاشكرا بەڵێنی بە هاوبەشان و كریارانی بەرهەمەكانی داوە، كە بە هیج شێوەیەك كەلوپەلە بەرهەهاتووەكانی بۆ كارو باری سیخوڕی بەكارنەهێنیت.

هەروەها كۆمپانیاكە دەڵێت: پێوستمان بە 3 بۆ 5 ساڵە بۆ چارەسەری ئەو كێشە ئەمنیێانەی حكومەتی بەریتانیا لەو بارەیەوە وروژاندوونی و بۆ ئەو مەبەستەش كومپانیای هواوی 2 ملیار دولاری  تەرخان كردوە تا مەترسییەكان بڕەوێنێتەوە.

كۆمپانیای زەبەلاحی تەكنۆلۆجیا " هواوی" لە چین وجیهاندا ڕوبەڕوی تۆمەتی سیخوڕیكردن بووەتەوە، ئەویش دوای ئەو ڕاپورتەی ساڵی پاری حكومەتی بەریتانیا كە تیشك دەخاتە سەر ئەو شۆێنانەی مەترسین لە كاركردنی كۆمپانیای ناوبراودا.