گه‌ڕان

Shadow Shadow
سیاسه‌تی

یەکەمجار تا دەگریت یان سکچوون؟

توێژینەوەیەک ڕیزبەندى نیشانەکانى کۆرۆنا دیاری دەکات

2020.08.15 - 13:05
توێژینەوەیەک ڕیزبەندى نیشانەکانى کۆرۆنا دیاری دەکات

ناس کورد

نیشانەكانی توشبوون بە ڤایرۆسی كۆرۆنا هەمە جۆرن، لەوانە تا و وشكە كۆكە و سەر ئێشە و تەنگە نەفەسی، بەڵام بەپێی توێژینەوەیەك، ڕیزبەندیەكی دیاریكراو بۆ ئەو نیشانانە دەستنیشانكراوە و ئەوەش یارمەتی زووتر پشكنینی نەخۆشیەكە و چارەسەریش دەدات.

 

توێژەران لە زانكۆیەكی باشوری كالیفۆڕنیا توێژینەوەیەكیان ئەنجامداوە و تێیدا پشتیان بەستووە بە ئەنجامی پشكنینەكانی 55 هەزار توشبووی كۆرۆنا لە چین.

 

توێژەران دواتر گەیشتونەتە ئەوەی ڕیزبەندییەك بۆ نیشانەكانی نەخۆشیەكە ئامادە بكەن كە زیاتر ڕوودەدات، ئەوانیش تا، دواتر كۆكە و ئازاری ماسولكەكان و دڵتێكچون و ڕشانەوە و دواتر سكچوون.

 

بەڵام لە توێژینەوەكەدا ئەوەش دەركەوتووە كە هەموو نەخۆشەكان هەمان نیشانەیان تێدا بەدەرناكەوێت، بەڵام ئەو ڕیزبەندییە یارمەتی جیاكردنەوەی نەخۆشیەكە لە نەخۆشییەكانی دیكە دەدات.

 

ئەوەش لەكاتێكدایە تا و سكچوون پەیوەندییان بەچەند نەخۆشیەكی دیكەوە هەیە لەوانە ئەنفلۆنزا، توێژینەوەكەش ئاماژەی بۆ ئەوە كردووە، دەركەوتنی ئەو دوو نیشانەیە و دواتر نیشانەكانی دیكەی پەتاكە ئەوەیە كە ڤایرۆسەكەی پێ جیادەكرێتەوە.

 

ئەو كارەش گرنگە بەتایبەت لەگەڵ وەرزی سەرهەڵدانی پەتاكاندا لەوانەش ئەنفلۆنزا، بەپێی وتەی پیتەر كۆن، زانای زانكۆكەی كالیفۆڕنیا ئەو ئەنجامانە دەتوانن هاوکاری زیاتری پزیشكەكان  بکات تاوەکو بە شێوەیەكی باشتر مامەڵەی لەگەڵ نەخۆشەكاندا بكەن بۆ ڕێگریكردن لە تێچكوونی زیاترى تەندروستیان.