گه‌ڕان

Shadow Shadow
سیاسه‌تی

پەيوەندیيەكى تەلەفۆنیى سێ قۆڵى لکاندنى خاکى فەڵەستین بە ئیسرائیلەوە هەڵدەپەسێرێت

2020.08.13 - 22:22
پەيوەندیيەكى تەلەفۆنیى سێ قۆڵى لکاندنى خاکى فەڵەستین بە ئیسرائیلەوە هەڵدەپەسێرێت

ناس کورد- 

شێخ محەمەد بن زايد ئال نەهيان، شازادەى جێنشينى ئەبوزەبى و جێگرى سەركردەى باڵاى هێزە چەكدارەكان ئاشكرايكرد، لە پەيوەنديەكى تەلەفۆنى  سێ قۆڵيدا لەگەڵ دۆناڵد ترامپ، سەرۆكى ولايەتە يەكگرتوەكانى ئەمريكا و بنيامين ناتانياهۆ، سەرۆك وەزيرانى ئيسرائيل، پرۆسەى لکاندنى خاکى فەڵەستین بە ئیسرائیلەوە هەڵپەسێردرا.

 

دواى پەيوەنديە سێ قۆڵيەكە ڕاگەیەندراوێکی هاوبەش لەلايەن ئەمريكا و ئيسرائيل و ئيماراتەوە بڵاوكراوەتەوە و تێيدا هاتوە، ئەم دەستكەوتە مێژوييە ئاشتى لە ڕۆژهەڵاتى ناوەڕاست بەهێز دەكات و ئەمە هەنگاوێكى دبلۆماسى بوێرانەيەيە و دنيابينى هەرسێ سەركردەكەيە.

 

ئەوەش هاتوە،  هەروەها پێويستە ئەم بوێريەى ئيمارات و ئيسرائيل ببێتە هۆى كێشانى ڕێچكەيەكى نوێ كە بوار لەبەردەم توانا گەورەكانى ناوچەكە بكاتەوە.

 

ڕونيشكراوەتەوە، هەرسێ دەوڵەت لە ئێستادا ڕووبەڕووى چەندين تەحەداى هاوبەش بوونەتەوە، ئەم دەستكەوتە مێژوييەش سودى بۆ هەموو لايەك دەبێت.

 

هەرچى سەبارەت بە پەيوەندیيە دوو قۆڵى نێوان ئيمارات و ئيسرائيلە باسلەوەكراوە، پەيوەنديەكى ڕاستەوخۆ لەنێوان ئەو دوو هێزە گەورە ئابوريەى ڕۆژهەڵاتى ناوەڕاست دەستى پێكردوە، كە دەبێتە هۆى هەستانەوەى ناوچەكە و هاندانى گەشەى ئابورى و بەهێزكردن و داهێنانى تەكنەلۆژى و بەهێزكردنى پەيوەندى نێوان گەلان.

 

ئاشكراشكراوە، لەسەر داواى دۆناڵد ترامپ، سەرۆكى ئەمريكا و بە پشتگيرى دەوڵەتى ئيمارات، ئيسرائيل پلانى بەناوکردنى خاكى زياترى فەلەستين وەک خاکى ئیسرائیلى دەوەستێنێت ئەوەش بەپێى پلانەكەى ترامپ بۆ ئاشتى و تەركيز دەخاتە سەر بەهێزكردنى پەيوەنديەكانى لەگەڵ دەوڵەتانى ترى جيهانى و عەرەبى و ئيسلامى.

 

ئەوەش هاتوە، ئيمارات و ئيسرائيل هاريكاريەكانى تايبەت بە خێراكردنى گەشەپێدانى ڤاكسينى دژە كۆرۆنا بەهێز دەكەن و پێكەوە كاردەكەن، ئەوەش هاوكار دەبێت بۆ پاراستنى ژيانى هەموان جا ئايينيان هەرچيەك بێت لەسەرجەم ناوچەكەدا.

 

لە ڕاگەیەندراوێکدا ڕونيشكراوەتەوە، هەروەها هەردولا هەوڵەكانيان بەردەوام دەبێت بۆ چارەسەركردنى تەواوەتى كێشمەكێشەكانى فەلەستينى - ئيسرائيلى، بەپێى پلانى ئاشتى هەموو موسوڵمانان دەتوانن سەردانى مزگەوتى "الأقصى" بكەن و نوێژى تێدا بكەن، هەروەها پێويستە سەرجەم شوێنە پيرۆزەكانى تر لەبەردەم نوێژخوێنانى سەرجەم ئايينەكانى تر كراوە بن.