گه‌ڕان

Shadow Shadow
سیاسه‌تی

دوای ڕاپۆرتێكی ئۆپیك نرخی نەوتی خاو دابەزی

2020.08.13 - 13:43
دوای ڕاپۆرتێكی ئۆپیك نرخی نەوتی خاو دابەزی

ناس کورد-

نرخی نەوتی خاو لەبازاڕەكانی جیهاندا دابەزی، ئەوەش دوای ئەوەی ڕێكخراوی ئۆپیك ڕایگەیاند، پێشبینی دابەزینی خواست لەسەر نەوتەكەى زیاتر لەوەی چاوەڕیێ دەكەن ڕوودەدات، دەزگایەكی تایبەتمەندی ئەمریكاش دەڵێت، ئاستی عەمباركردن دابەزیووە و ئەوەش ئاماژەیە بۆ گەڕانەوەی خواست لەسەر نەوت دوای پەتای كۆرۆنا.

 

نەوتی خاوی برێنت 8 سەنت دابەزینى بەخۆوە بینى و بووە 45.35 دۆلار بۆ بەرمیلێك ئەوەش دوای بەرزبوونەوەى نرخەكەی بەڕێژەی 2%، نەوتی خاوی تەكساسی ئەمریكیش 4 سەنت دابەزینى بەخۆوە بینى و بووە 42.62 دۆلار بۆ هەر بەرمیلێك.

 

ڕێكخراوی ئۆپیك لەڕاپۆرتی مانگانەیدا ئاشکراى کرد، خواستی جیهانی لەسەر نەوت بۆ 9.06 بەرمیل ڕۆژانە بۆ ئەمساڵ دابەزیوە و زیاتر لەوە دادەبەزێت و دەبێتە 8.95 ملیۆن بەرمیل.  ڕێكخراوەكە مانگێك پێش ئێستا ئەو پێشبنیانەی خستبووە ڕوو.

 

هەفتەی ڕابردووش خواستی ئەمریكا لەسەر سوتەمەنیی بۆ 19 ملیۆن و 37 هەزار بەرمیل ڕۆژانە بەرزبویەوە، بەڵام بەپێی داتاكانی بەڕێوەبەرایەیتى زانیاری وزەی ئەمریكا بەرهەمهێنانی نەوتی خاو بۆ 10.7 ملیۆن بەرمیل ڕۆژانە دابەزیووە لە 11 ملیۆن بەرمیل ڕۆژانەوە.

 

ئاستی عەمباركردنی نەوتی خاو بۆ 4.5 ملیۆن بەرمیل ڕۆژانە پاشەكشەی كردووە و ئەو دابەزینەش لەلایەن ئەمریكاوە بەشداری تێدا كراوە ئەوەش بەمەبەستی پاڵپشتیكردنی نرخەكانی نەوت لەئێستادا.

 

بەگوێرەى پێشبینەكانی ئیدارەكە لەمانگی ڕابردوودا چاوەڕواندەكرێت دابەزینی بەرهەمهێنانی نەوتی خاوی ئەمریكی لە 990 هەزار بەرمیل ڕۆژانە لەمساڵدا بگاتە 11 ملیۆن و 26 هەزار بەرمیل ڕۆژانە، ئەوەش ئاماژەیە بۆ ئەوەی خواستی جیهانی لەسەر نەوت لە گوماندا دەمێنێتەوە.