گه‌ڕان

Shadow Shadow
سیاسه‌تی

تەندروستى جیهانى هەڵوێستى خۆى ئاشکراکرد

روسیا ئامادەبوونى ڤاکسینەکەى دژى کۆرۆنا ڕاگەیاند

2020.08.11 - 15:32
روسیا ئامادەبوونى ڤاکسینەکەى دژى کۆرۆنا ڕاگەیاند
ناس کورد-

ڤلادیمێر پوتین سەرۆکى ڕوسیا ڕایگەیاند، دەسەڵاتدارانى پزیشکى وڵاتەکەى رەزامەندیانداوە لەسەر تۆمارکردنى یەکەم ڤاکسینى دژى کۆرۆنا، دواى کەمتر لە دوو مانگ لە تاقیکردنەوەى لەسەر مرۆڤ.

 

 

 

 

پۆتین ڤاکسینەکەى بەیەکەم جۆرى لەو شێوەیە لەجیهاندا ناوبرد و ئاماژەى بەوەکرد، سەرجەم پشکنینە پێویستەکانى بڕیوە.

 

وتیشى "دەمانەوێت بەشێوەیەکى گەورە و بەم نزیکانە دەست بکەین بە بەرهەمهێنانى ڤاکسینەکە".

 

ئەوە لەکاتێکدایە، زانایانى رۆژئاوا گومانیان هەیە لەبارەى خێرایی گەشەپێدانى ڤاکسینە روسییەکە و دەڵێن رەنگە توێژەران تاقیکردنەوە پێویستەکانیان کورتبکرێتەوە، لەژێر فشارى دەسەڵاتداراندا.

 

لاى خۆیەوە رێکخراوى تەندروستى جیهانى ڕایگەیاند، رێکخراوەکە و دەسەڵاتدارانى تەندروستى روسیا گفتوگۆ لەسەر پشتبەستن و ئامادەکردنى ڤاکسینەکە دەکەن کە بەم دواییانە گەشەى پێدراوە.

 

تارق جسارفيچ، وتەبێژى رێکخراوەکە وتى "ئێمە لە پەیوەندى پتەوداین لەگەڵ دەسەڵاتدارانى تەندروستى ڕوسیا و گفتوگۆکانى پەیوەست بە ئامادەکاریی پێشوەختەى رێکخراوەکە لەبارەى ڤاکسینەکەوە بەردەوامە، بەڵام پڕۆسەى ئامادەکاریی پێشوەختە دەبێت هەر ڤاکسینێک بگرێتەوە و پێداچونەوە و هەڵسەنگاندن بکرێت بۆ سەرجەم زانیارییەکانى پەیوەست بە سەلامەتى و کاریگەریییەکەى".

 

روسیا چەند مانگێکە کار دەکات لەسەر گەشەپێدانى چەند ڤاکسینێک هاوشێوەى وڵاتانى دیکەى جیهان، ڤاکسینەکەى ئێستا کە بەناوى "غاماليا" ناوبراوە بەهاوکارى لەگەڵ وەزارەتى بەرگرى روسیا گەشەى پێدراوە، کە هیچ ماددەیەکى ڤایرۆسى لە پێکهاتەکەیدا نییە.

 

ئەوە لەکاتێکدایە، زیاتر لە 100 ڤاکسین لەسەر ئاستى جیهان لەژێر پڕۆسەى گەشەپێدان و تاقیکردنەوەدان و هەندێکیان لە قۆناغى کۆتایی نزیکبوونەتەوە.

 

سەرەڕاى چڕى هەوڵەکان لەو بارەیەوە، زۆربەى زانایان پێیانوایە هیچ ڤاکسینێک بەشێوەى بەربڵاو بەردەست نابێت بۆ توشبووانى کۆرۆنا تا ناوەڕاستى ساڵى داهاتوو.