گه‌ڕان

Shadow Shadow
سیاسه‌تی

حکومەتى لوبنان دەستی لەکارکێشایەوە

2020.08.10 - 19:51
حکومەتى لوبنان دەستی لەکارکێشایەوە

ناس کورد-

بەهۆی تەقینەوە گەورەکەى بەیروت، حەسان دیاب، سەرۆکوەزیرانی لوبنان دەستلەکارکێشانەوەى حکومەتی ڕاگەیاند و وتی، "گەندەڵی هەندێک لایەنی لە لوبنان" لە پشت تەقینەوەکەى بەیروتەوە بووە.

 

ئەمڕۆ دووشەممە، 10ی ئابی 2020، حەسان دیاب لە وتارێکی ڤیدیۆییدا وتی، "سیستمی گەندەڵی بەناو تەواوی جومگەکانی دەوڵەتدا شۆڕبووەتەوە و زۆر گەورەترە لە دەوڵەت."

 

ئاماژەى بەوەشکرد، "ئێمە لە بەردەم کارەساتێکی گەورەین و پێویستە هەماهەنگی بکەین بۆ تێپەڕاندنی، هەندێکی هەر خەریکی قسەى سیاسیی و موزایەدەن و دەیانەوێت ئەو تۆزەى دەوڵەت کە ماوە بیڕوخێنن."

 

دەستلەکارکێشانەوەى حکومەتى لوبنانی دوای تەقینەوەکەى بەیروت هات کە بووە هۆی کوژرانی 160 کەس و بریندار بوونی زیاتر لە شەش هەزار کەسی تر، تەقینەوەکە بووە هۆی وێرانکردنی بەشێکی بەیروت.

 

لە ماوەى دوو ڕۆژی پێشوودا، چوار وەزیری کابینەکەى حەسان دیاب دەستیانلەکارکێشایەوە و داوایان لە حکومەتیش کرد دەستلەکاربکێشێتەوە چونکە "نەیانتوانیوە کارەکانیان ڕاپەڕێنن."