گه‌ڕان

Shadow Shadow
سیاسه‌تی

پارەکە هیچ پەیوەندی بە سەرۆکی حکومەتەوە نییە

ڕونکردنەوەیەک لە تەندروستیی هەولێرەوە لەسەر چۆنێتی دابەشکردنی پارەکەی نەخۆشخانەی ڕزگاری 

2020.08.10 - 15:15
App store icon Play store icon Play store icon
ڕونکردنەوەیەک لە تەندروستیی هەولێرەوە لەسەر چۆنێتی دابەشکردنی پارەکەی نەخۆشخانەی ڕزگاری 

ناس کورد-

بەڕێوەبەرایەتیی گشتیی تەندروستیی هەولێر ڕایگەیاند، ئەو پارەیەی وەک هاوکاری دراوە بە نەخۆشخانەی ڕزگاری هی خێرخوازێک بووە و هیچ پەیوەندی بە سەرۆکی حکومەتەوە نییە، ئاماژەی بەوەشكردووە، خێرخوازەکە هەر ئەو رۆژە پارەکەی بەسەر ئەو کەسانەدا دابەشکردووە کە لەدەوامدا بوون.

 

کەناڵی ناس کورد لە تێلیگرام جۆین بکە   

لە ڕونکردنەوەیەکدا بەڕێوەبەرایەتیی گشتیی تەندروستیی هەولێر ڕایگەیاند: "لەم ڕۆژانەدا خێرخوازێک بڕێک هاوکاری ماددی بە سەر کارمەندانی نەخۆشخانەی رزگاری شاری هەولێر دابەشکردووە و دواتر لە هەندێک سایت وا بڵاوکراوەتەوە کە گوایا لە لایەن سەرۆکی حکومەتەوە نێردراوە."

 

ئاماژەی بەوەشكردووە: "لە راستیدا ئەم هاوکارییە هیچ پەیوەندییەکی بە سەرۆکی حکومەتەوە نییە و هەر ئەوکاتە هاوکارییەکە لەلایەن ئەو خێرخوازەوە راستەوخۆ بەسەر ئەو کەسانە دابەشکراوە کە لە  نەخۆشخانە لە دەوامدا بوون."

 

ئەوەش لەکاتێکدایە، ئەمڕۆ دووشەممە، بەشێک لە کارمەندانی نەخۆشخانەکە گردبوونەوەیەکیان لەبەردەم نەخۆشخانەکە ئەنجامدا و ڕایانگەیاند، ئەو پارەیەی کە بۆیان بردراوە بە نادادپەروەری دابەشکراوە و بەشێکی زۆریان وەریان نەگرتووە و بەشێکیشیان یەکی 500 دۆلاریان وەرگرتووە.