گه‌ڕان

Shadow Shadow
سیاسه‌تی

زیاتر لە هەزار توشبوو لە ڕۆژێکدا

ئامارى توشبوون بە کۆرۆنا لەبەریتانیا رووى لەهەڵکشان کردەوە

2020.08.09 - 22:54
ئامارى توشبوون بە کۆرۆنا لەبەریتانیا رووى لەهەڵکشان کردەوە

ناس کورد-

زیاتر لە هەزار توشبووى نوێی کۆرۆنا لەبەریتانیا تۆمارکرا، کە بەرزترین ئامارى رۆژانەیە لەکۆتایی حوزەیرانەوە تا ئێستا.

 

بەپێی ئاژانسى رۆیتەرز، ئامارە فەرمییەکان دەریدەخەن کە ئەمڕۆ یەکشەممە 1062 توشبووى نوێی کۆرۆنا لەسەرتاسەرى بەریتانیا تۆمارکراوە، ئەوەش بەرزترین ئامارە لە  لەکۆتایی حوزەیرانەوە تا ئێستا و زیاتریشە لە ئامارى دوێنێ شەممە کە 758 حاڵەت تۆمارکرابوو.

 

تۆمارکردنى ئەو ئامارە بەرزەى توشبوون بە کۆرۆنا لە بەریتانیا لەکاتێکدایە، دەسەڵاتدارانى ئەو وڵاتە لەهەندێ ناوچە رێوشوێنەکانی بەرەنگاربوونەوەى کۆرۆنایان توندکردووەتەوە لەگەڵ بوونى ترس لە شەپۆلى نوێی ڤایرۆسەکە.

 

ئامارى توشبوون بە کۆرۆنا بەشێوەیەکى پلەبەندى لە بەریتانیا دەستى بەبەرزبوونەوە کردووەتەوە لەناوەڕاستى حوزەیرانەوە دواى هەڵگرتنى کۆتوبەندەکانى تایبەت بە بەرەنگاربوونەوەى کۆرۆنا.