گه‌ڕان

Shadow Shadow
سیاسه‌تی

ئێران: سعودیە بەنهێنی سەرقاڵی دروستکردنی چەکی ئەتۆمییە

2020.08.08 - 22:16
ئێران: سعودیە بەنهێنی سەرقاڵی دروستکردنی چەکی ئەتۆمییە

ناس کورد-  

 نوێنەری وڵاتی ئێران لەئاژانسی نێودەوڵەتی وزەی ئەتۆم، وڵاتی سعودیەی تۆمەتبارکرد بە تێوەگلان و پلانداڕشتن بۆ دروستکردنی چەکی ئەتۆمی بەشێوەیەکی نهێنی، داواشیکرد، ئاژانسە نێودەوڵەتییەکە هۆشداری تووند لەو باریەوە بەو وڵاتە بدات.

 

 کازم غەریب ئابادی، نوێنەری ئێران لەئاژانسی نێودەوڵەتی وزەی ئەتۆم، نیگەرانی وڵاتەکی نیشاندا بەرانبەر چالاکییە گۆماناوییەکانی سعودیە دەربارەی پڕۆگرامی پەرچککردنی نهێنی ئەتۆمی و ڕاپۆرتێکیشی دەربارەی ئەو پرسە پێشکەش بە ئەندامانی ئاژانسەکە کرد.

 

ئابادی ئاماژە بەوەکرد: "سەرباری ئەوەی سعودیە پەیماننامەی ڕێگرتن لە بڵاوبوونەوەی  چەکی ئەتۆمی واژووکردووە، بەڵام لە هەمانکاتدا ڕێگری لەپشکنینی دامەزراوە ئەتۆمییەکانی دەکات لەلایەن پشکنەرە نێوەدەوڵەتییەکانی ئاژانسەکەوە".  

 

 ئەوەشی خستووەتەڕوو: "هەڵسوکەوتەکانی سعودیە و شاردنەوەی زانیارییەکان دەربارەی پرۆگرامە ئەتۆمییە ئاشتیانەکەی گومانەکانی زیاترکردەوە، ڕوڵی نەرێنی سعودیەش لەتێکدانی سەقامگیری ناوچەکە زیاتر نیگەرانمان دەکات و گومانی ئەوە دروستدەکات کە ئەو وڵاتە پرۆگرامی نهێنی چەکی ئەتۆمی هەبێت".  

 

 ئابادی داواشی لە ئاژانسی وزەی ئەتۆمی نێودەوڵەتی کردووە، هوشداری بە وڵاتی سعودیە بدەن کە هەر لادانێک لەمەبەست و مەرامی ئاشتیانەی بەرنامە ئەتۆمییەکەی بەتووندی لەلایەن ئەندامانی ئاژانسەکەوە وەڵامدەدرێتەوە و دەبێت سعودیە شەفافی بنوێنێت لە پابەندبوونی بەڕێکارەکانی ئاژانسە نێودەوڵەتییەکە.