گه‌ڕان

Shadow Shadow
سیاسه‌تی

’’بەربەستەكان نەماون’’

سەعدی پیرە بۆ ناس کورد: بەمنزیكانە یەكێتی و پارتی كۆدەبنەوە

2020.08.08 - 15:37
App store icon Play store icon Play store icon
سەعدی پیرە بۆ ناس کورد: بەمنزیكانە یەكێتی و پارتی كۆدەبنەوە

ناس کورد-

ئەندامێكی ئەنجومەنی باڵای سیاسی یەكێتی ئاشكرای دەكات، بەمنزیكانە یەكێتی و پارتی كۆدەبنەوە و ئەو بەربەستانەى پێشتر هەبوون بۆ ئەنجامنەدانى کۆبوونەوە نەماون.

کەناڵی ناس کورد لە تێلیگرام جۆین بکە   

 

کۆتایی مانگى ڕابردوو بافڵ تاڵەبانى هاوسەرۆکى یەکێتى لەگەڵ هەریەکە لە نێچیرڤان بارزانى و مەسرور بارزانى بەجیا کۆبووەوە، ئەوەش بە ئامانجى ئاساییکردنەوەى پەیوەندییەکانى پارتى و یەکێتى کە چەندین مانگە روویان لە گرژبوون کردووە، بەڵام هێشتا وادەى کۆبوونەوەى هەردوو مەکتەبی سیاسی پارتى و یەکێتى نادیارە.

 

سەعدی ئەحمەد پیرە، ئەندامی ئەنجومەنی باڵای سیاسی یەكێتی بەناس كوردی ڕاگەیاند، "یەكێتی و پارتی كۆدەبنەوە بەڵام كەی كۆ دەبینەوە ئەوا وتەبێژی یەكێتی وادەكەی دەزانێت، ئەوان لەپەیوەندیدان بۆ ڕێكخستنی ئەو كارە بەڵام وەكو پرەنسیپ بەمنزیكانە كۆدەبنەوە" .

 

وتیشی، "بەربەستەكانی بەردەم ئەنجامنەدانی كۆبونەوەكانی یەكێتی و پارتی لەئێستادا نەماون".

 

لەکۆبوونەوەکانى بافڵ تاڵەبانى و نێچیرڤان بارزانى و مەسرور بارزانى بڕیارى پێکهێنانى چەند لیژنەیەک دران بۆ چارەسەرى کێشەکان، بەڵام هێشتا لیژنەکان دەستبەکارنەبوون.

 

لەبارەی هەڵبژاردنى پیشوەختە لەعیراق ئەگەری یەك لیستی یەكێتی و پارتی، سەعدی ئەحمەد پیرە وتی " قسەی وەها نەكراوە و ئێستا كاتی باسكردنی ئەو پرسانەش نییە"

 

کۆبوونەوەکەى هەردوو مەکتەبی سیاسی پارتى و یەکێتى ئەگەر ئەنجام بدرێت، دەبێتە یەکەم کۆبوونەوە لەنێوانیاندا لەدواى کۆنگرەى یەکێتى یەوە لەکۆتایی ساڵى ڕابردوودا.

 

لەچەند مانگى ڕابردوودا چەند جارێک وادەى کۆبوونەوەى هەردوو حزب دیاریکرا، بەڵام دواتر بەهۆى گرژى پەیوەندییەکانیان و شەڕى ڕاگەیاندنى نێوانیانەوە دواخرا.