گه‌ڕان

Shadow Shadow
سیاسه‌تی

ترامپ: پێش هەڵبژاردن ڤاكسينى كۆرۆنا بەردەست دەبێت

2020.08.06 - 22:13
ترامپ: پێش هەڵبژاردن ڤاكسينى كۆرۆنا بەردەست دەبێت

ناس کورد- 

دۆناڵ ترامپی سەرۆكى ولايەتە يەكگرتوەكانى ئەمريكا دەڵێت، پێش هەڵبژاردنى سەرۆكايەتى ئەمريكا "كە بڕيارە مانگى 11ى ئەمساڵ ئەنجام بدرێت" ڤاكسينى كۆرۆنا بەردەست دەبێت.

 

ترامپ لە گفتوگۆيەكدا لەگەڵ ڕاديۆى "جيرالدۆ ڕيڤێرا" سەبارەت بەكاتى دروستكردنى ڤاكسينى كۆرۆنا و ئامادەبونى وتى، لەكاتێكى نزيكتر لە كۆتايى ئەمساڵ ڤاكسينى دژە كۆرۆنا بەردەست دەبێت، لەوانەيە زۆر لەوەش نزيكتر بێت.

 

سەبارەت بەوەى كە پێش وادەى هەڵبژاردنەكان كە 2020/11/3 ە بەردەست دەبێت وتى: "پێموايە دەكرێت پێش ئەو وادەيە بەردەست بێت، بەڵام لە دەوروبەرى ئەو وادەيەدا."

 

ڕۆژى دووشەممەى ڕابردووش ترامپ باسى لەوەكردبوو، ڤايرۆسى كۆرۆنا لە ئەمريكا لە پاشەكشەدايە بە تايبەتى لە هەندێك ناوچەى باشور و خۆرئاواى وڵات، بارودۆخەكە زۆر هاندەرە.

 

لە بەرامبەردا "ديبۆرا بێركس" ڕاوێژكارى كۆشكى سپى بۆ كاروبارى ڕوبەڕوبونەوەى كۆرۆنا ئاماژەى بەوەداوە، ئەمريكا پێی ناوەتە قۆناغێكى نوێوە بە بڵاوبونەوەى پەتاكە.

 

ئەوەشى ڕونكردوەتەوە، ڤايرۆسەكە بە شێوەيەكى ناسروشتى بڵاودەبێتەوە، سەرجەم ئەوانەشى لە ناوچەكانى دەرەوەى شارەكان دەژين پارێزراو نين لە كۆرۆنا.