گه‌ڕان

Shadow Shadow
سیاسه‌تی

’پەنجەی تۆمەت بۆ حزبوڵا ڕادەكێشرێت’

چالاکوانانى لوبنان: ئەمۆنیاكەی حزبوڵا بەیروتى سوتاند 

2020.08.06 - 15:42
چالاکوانانى لوبنان: ئەمۆنیاكەی حزبوڵا بەیروتى سوتاند 

ناس كورد-

كاردانەوەی چالاكوانانی لوبنان لەتۆڕە كۆمەڵایەتیەكان لەسەر تەقینەوەكەی بەیروت بەردەوامە و زۆرترین ئەو هاشتاگانەی بەو بۆنەیەوە بڵاودەكرێنەوە حزبوڵای لوبنان بەهۆكاری پشێوییەكانی وڵات ناو دەبەن.

 

چالاکوانانى لوبنان لەتویتەر هەڵمەتێکیان بۆ بڵاوکردنەوەى هاشتاگێك بەناونیشانی (#ئەمۆنیای_حزبوڵا_بەیروتى_سوتاند) دەستپێکرد و حزبوڵا بەبەرپرسیاری هەڵگرتنی ئەو مادەیە و مادەكانی دیكەی تەقەمەنی لەبەیروت و شوێنە نزیكەكان تۆمەتبار دەکەن بەتایبەتى لەو شوێنانەى کە نزیکن لە نیشتەجێبوون و ژیانى خەڵکەوە. 

 

هاشتاگاكە بەبەرفروانی بەزیاتر لە 15 هەزار تویت بڵاوكراوەتەوە و لەزۆربەیاندا پەنجەی تۆمەت بۆ حزبوڵا درێژ دەكەن كە لەپشتەوەی هەموو ئەو پشێوی و قەیرانە جیاوازانەوە وەستاوە كە وڵاتەكەیانی تێدا تێپەڕدەبێت.

توڕەیی جەماوەری لەهاشتاگی چالاكوانانی لوبناندا لەدژی حزبوڵا كە وەكو لیستی یەكەمی تۆمەتبارانی ڕوداوەكەدا هاتووە، گەیشتووەتە چڵەپۆپە.

لەیەكێك لەهاشتاگەكاندا هاتووە: ئایا مادەی تەقینەوەكە هی حزبوڵا بووە؟ لەوە دڵنیانین، بەڵام لەوە دڵنیاین بەندەرەكەی كۆنترۆڵكردووە و كەڵك لەپشێوییەكانی ناوخۆ وەردەگرێت.

لەهاشتاگێكی دیكەدا هاتووە "كاتێك میلیشیا تیرۆریستەكان دەستدەگرن بەسەر وڵاتدا و بەندەر بۆ هەڵگرتنی مادەی تەقینەوە بەكاردەهێنن و فڕۆكەخانەكانیش بۆ قاچاخی، دەبێت چاوەڕوانی چ ئەنجامێك بكرێت؟.