گه‌ڕان

Shadow Shadow
سیاسه‌تی

بەشێوەیەكی سەرسوڕهێنەر ڕزگاری بووە و هێشتا لەژیاندا ماوە

گەنجێك بۆ ماوەی 30 كاتژمێر دوای تەقینەوەكەی بەیروت لەئاوی دەریاكەدا دەمێنێتەوە

2020.08.06 - 15:35
گەنجێك بۆ ماوەی 30 كاتژمێر دوای تەقینەوەكەی بەیروت لەئاوی دەریاكەدا دەمێنێتەوە

ناس کورد- 

تیمەكانی گەڕان و پشكنین بەدوای تەرم و برینداران و بێسەر و شوێنەكانی تەقینەوەكەی بەندەری بەیروت بەردەوامە و لەو میانەشدا توانیویانە گەنجێك لەناو ئاوی دەریای نزیك بەندەرەكە بەنیوە مەرگی بدۆزنەوە كە بۆ ماوەی 30 كاتژمێر لەناو دەریاكەدا ماوەتەوە.

 

تیمێكی فریاگوزاری ڕوداوەكە توانیویانە گەنجێك بەنیوە مەرگی دەربهێنن لەدەریاكە كە بۆ ماوەی 30 كاتژمێر دوای تەقینەوەكە تیایدا ماوەتەوە و چالاكوانانیش لەتۆڕە كۆمەڵایەتیەكانەوە ئەوەیان بڵاوكردووەتەوە گەنجەكە ناوی ئەمین زاهیدە و هێشتا لەژیاندا ماوە بەڵام دۆخی تەندروستی لەمەترسیدایە.

 

چالاكوانان ئاماژەیان بۆ ئەوەش كردووە، هەندێك لەوانەی كە نزیك تەقینەوەكە بوون بەهۆی بەهێزی تەقینەوەكەوە کەوتوونەتە ناو دەریاكەوە و سەرباری ئەوانەشی كە لەو چركەساتەدا لەناو بەلەمەكانیاندا بوون ژمارەیەكی زۆری بێسەروشوێن بوون و كەسوكاریشیان لەسەر بەندەرەكەی بەیروت كۆبونەتەوە و هەوڵی بەدەستخستنی زانیاری لەبارەیانەوە دەدەن.