گه‌ڕان

Shadow Shadow
سیاسه‌تی

وەزارەتى تەندروستى لوبنان ئامارێکى نوێى قوربانییەکانى تەقینەوەکەى بەیروتى بڵاوکردەوە

2020.08.06 - 10:56
وەزارەتى تەندروستى لوبنان ئامارێکى نوێى قوربانییەکانى تەقینەوەکەى بەیروتى بڵاوکردەوە

ناس کورد-

بەرەبەیانى ئەمڕۆ (پێنجشەممە) وەزارەتى تەندروستى لوبنان ئامارێکى نوێى قوربانییەکانى تەقینەوەکەى بەندەرى بەیروتى بڵاوکردەوە و بە گوێرەى ئامارەکە کوژراو و بریندارانى تەقینەوەکە، بەرزبۆتەوە.

 

ڕەزا موسەوى، وتەبێژى وەزارەتى تەندروستى لوبنان رایگەیاند، لە تەقینەوەکەى بەندەرى بەیروت بەلانى کەمەوە 137 کەس گیانیانلەدەستداوە و زیاتر لە 5 هەزار کەسیش بریندار بوون .

 

وتەبێژى وەزارەتى تەندروستى لوبنان بە ئاژانسى فرانس پرێسى وت "ئەم ئامارە کۆتا ئامار نییە و هێشتا دەیان کەس بێسەروشوێنن.

 

ئێوارەى ڕۆژى (سێشەممە) تەقينەوەيەكى بەهێز شارى بەيروتى پايتەختى لوبنانى هەژاند كە باس لەوە دەكرێت بەهۆى تەقينەوەى مادەى نيتراتى ئامۆنيۆمەوە بووە كە لە كۆگايەكدا بووە لە بەندەرى بەيروت.