گه‌ڕان

Shadow Shadow
سیاسه‌تی

عەمبارەكانی گەنم لەبەیروت زیانیان پێگەیشتووە و ترسی قەیرانی ئاردی دروستكردووە

2020.08.05 - 23:28
عەمبارەكانی گەنم لەبەیروت زیانیان پێگەیشتووە و ترسی قەیرانی ئاردی دروستكردووە

ناس کورد- 

ڕێكخراوی (فاوی) سەر بەنەتەوە یەكگرتووەكان ترسی لەوە هەیە بۆ ماوەیەكی كورت لوبنان دووچاری قەیرانی دەستنەكەوتنی ئارد ببێتەوە، ئەوەش بەهۆی زیانەكانی تەقینەوەكە بۆ سەر كۆگاكانی گەنم نزیك لە بەندەرەكەی بەیروت.

 

دۆمینیك بۆرجۆن، بەڕێوەبەری بەشی فریاكەوتن لەڕێكخراوەكە بەئاژانسی فرانس پرێسی ڕاگەیاندووە، نامەیەكی كورتی لەبەرپرسی فاوی بەیروتەوە پێگەیشتووە و لەوە دەترسن بڕێكی زۆری گەنمی هەڵگیراو لەكۆگایەكی نزیك بەندەرەكەی بەیروت بەهۆی تەقینەوەكەوە زیانی بەركەوتبێت یاخود كۆگاكە وێران بووبێت.

 

وتوشیەتی، لەوەش دەترسن بۆ ماوەیەكی كەمیش بووبێت دووچاری كێشەی بەدەستهێنانی ئارد ببن لەو وڵاتە.

 

هاوكات سەرچاوەیەكی دیكەی ئاگادار بەئاژانسی فرانس پڕیسی وتووە، كۆگای نیشتیمانی لوبنانی بەتەواوەتی بەهۆی تەقینەوەكە وێران بووە و گەنمە یەدەگە هەڵگیراوەكەش بەو هۆیەوە تێكچووە.

 

لەڕاگەیەنراوێكیشدا ڕاووڵ نیعمە وەزیری ئابووری لوبنان ڕایگەیاند، بەدواداچونیان كردووە و لەوە دڵنیابوونەتەوە كە ئاردی  پێویست بەرەو لوبنان دێت و پێداویستیەكانی بازاڕ بۆ ماوەیەكی دوور و درێژ پڕ دەكاتەوە و دووچاری قەیرانی نەبوونی ئارد و نان نابنەوە.



لوبنان بەشێوەیەكی سەرەكی پشتی بەستووە بە هاوردەكردنی گەنم و ساڵانە خۆی بەڕێژەی 10 بۆ 15 % بڕی پێداویستیەكانی ساڵانەی لێ بەرهەم دەهێنێت.