گه‌ڕان

Shadow Shadow
سیاسه‌تی

’سوپا گومانلێكراوانی خستووەتە ژێر مانەوەی ناچارییەوە’

قوربانیانی تەقینەوەكەی شاری بەیروت بەرزبۆوە 

2020.08.05 - 21:03
قوربانیانی تەقینەوەكەی شاری بەیروت بەرزبۆوە 

ناس کورد- 

حكومەتی لوبنان ئامارێکى نوێى قوربانیانی تەقینەوەكەی شاری بەیروتی بڵاوكردەوە و ئاماژەى بەوە کرد، بۆ پڕۆسەی لێكۆڵینەوە لەڕوداوەكە چەندین بەرپرسی بەندەری بەیروت خراونەتە ژێر مانەوەی ناچارییەوە.

 

بەگوێرەى ئامارێکى نوێى حكومەتی لوبنان، ژمارەی ئەو کەسانەى کە لە تەقینەوەكەی بەندەری بەیروتدا گیانیانلەدەستداوە بۆ 150 كەس بەرزبووەتەوە و ژمارەی بریندارەكانیش گەیشتووەتە 5 هەزار كەس و بەبڕیارێكی حكومەتیش سەرجەم بەرپرسانی بەندەرەكە كە سەرپەرشتیار و پاسەوانی عەمبارەکان بوون لەساڵی 2014ەوە لەماڵەكانیاندا خراوەنەتە ژێر مانەوەی ناچارییەوە.

 

سەرچاوەكان باس لەوەش دەكەن، سوپای لوبنان سەرپەرشتیاری سەرجەم ئەو ماڵانە دەكەن كە بەرپرسەكانیان تێدا خراونەتە ژێر مانەوەی ناچارییەوە بۆ ئەوەی بەرپرسیاری ئەو تەقینەوە بدۆزرێتەوە.

 

لای خۆشیەوە مەنال عەبدولسەمەد، وەزیری ڕاگەیاندنی ئەو وڵاتە ڕایگەیاند، داوا كراوە لەدەسەڵاتی باڵای سەربازی بڕیاری مانەوەی ناچاری بەسەر هەموو ئەوانەدا بسەپێنرێن كە سەرپەرشتیاری عەمبارەکانى مادەی ئەمۆنیۆم بوون لەساڵی 2014ەوە تاوەكو كاتی تەقینەوەكە.

 

پێشتریش سەرۆكوەزیرانی لوبنان ڕایگەیاند، دەبێت ئاكامی لێكۆڵینەوە لە تەقینەوەكەی بەیروت خێرا بێت.