گه‌ڕان

Shadow Shadow
سیاسه‌تی

’’بەتاڵانبردنى سەروەت و سامانى سوريايە’’

ئێران توڕەیە لە گرێبەستە نەوتییەکەى هەسەدە و کۆمپانیا ئەمریکییەکان

2020.08.04 - 21:09
ئێران توڕەیە لە گرێبەستە نەوتییەکەى هەسەدە و کۆمپانیا ئەمریکییەکان

ناس کورد-

وەزارەتى دەرەوەى ئێران ئيدانەى ئەو گرێبەستە نەوتيە دەكات كە لەنێوان هێزەكانى سورياى ديموكرات "هەسەدە" و كۆمپانيايەكى ئەمريكى كراوە و دەڵێت، پێچەوانەى ياسا نێودەوڵەتيیەكانە و هەنگاوێكى نوێييە لە بەتاڵانبردنى سەروەت و سامانى سوريا.

 

عەباس موسەوى، وتەبێژى وەزارەتى دەرەوەى ئێران لە كۆنگرەيەكى ڕۆژنامەوانيدا وتى، گرێبەستى نەوتيى لەنێوان ولايەتە يەكگرتوەكانى ئەمريكا و گروپە كورديە سوريەكان پێچەوانەى ياساى نێودەوڵەتى و پێشێلكردنى سەروەرى سوريا و يەكگرتويى خاكەكەيەتى.

 

ئەوەشى ڕونكردوەتەوە، گرێبەستەكەى ئەمريكا كە هێزێكى داگيركارييە لەسەر خاكى سوريا هيچ ڕوويەكى ياسايى نييە، پێمانوايە گرێبەستەكە هەنگاوێكى نوێييە بۆ بەتاڵانبردنى سەروەت و سامانى سوريا لەلايەن ئەو وڵاتەوە.

 

پێشتريش ڕژێمى سوريا بە توندى ئەو گرێبەستەى ڕەتكردبووەوە و ئاماژەى بەوەدابوو، ئەو كارە دزينى نەوتى سوريا بە سپۆنسەر و پشتگيرى ئەمريكيەكان و هێزەكانى "هەسەدە"شى بە ميليشيا وەسفكردبوو.

 

پێشتر ماڵپەڕی ئەلمۆنیتەری ئەمریكی ئاشكرایكردبوو، ئیدارەی خۆبەڕێوەبەری رۆژئاوای كوردستان رێككەوتنێكی لەگەڵ كۆمپانیای نەوتی "دەلتا ئینێرجی"ی ئەمریكی واژۆكردوە بۆ فرۆشتنی نەوت و رەزامەندیی كۆشكی سپیشی بەدەستهێناوە.