گه‌ڕان

Shadow Shadow
سیاسه‌تی

کڕین و فرۆشتنی زەوی و موڵکی سنوری شەقامی 100 مەتریی سلێمانی قەدەغەیە

2020.08.04 - 17:53
کڕین و فرۆشتنی زەوی و موڵکی سنوری شەقامی 100 مەتریی سلێمانی قەدەغەیە

ناس کورد-

لە نوسراوێکی فەرمیدا پارێزگاری سلێمانی بڕیاری قەرەبووکردنەوەی ئەو کەسانەی کە خاوەن موڵک و زەوین لەسەر بە شەقامی 100 مەتریی سلێمانی دەکرد و ئاماژەی بەوەشكردووە، هەموو مامەڵەکردنێک بەو زەویانەوە قەدەغەیە (حجز) دەخرێتەسەریان.

 

بڕیارەکەی پارێزگاری سلێمانی لە بەرواری 23ی مانگی ڕابردوودا دەرکراوە و لە خاڵی سێیەمیدا هاتووە: "قەرەبووی ئەو کەسانە دەکرێتەوە کە مافی یاسایی و فەرمی سەلمێندراویان لەسەر ئەم شاڕێیە هەیە".

 

ئاماژە بەوەشكراوە: " لەلایەن بەڕێوەبەرایەتیی کشتوکاڵی سلێمانی و فەرمانگە پەیوەندیدارەکانی دیکەوە هەر دامەزراوە و کەلوپەل و سەرخانێکی سەر ئەم شاڕێیە (کە بەر رێگاکە دەکەون) و مۆڵەتی یاساییان هەیە، دەخەمڵێنرێن و قەرەبووی خاوەن ماف دەکرێتەوە".

 

بەگوێرەی خاڵی پێنجەمی بڕیارەکەی پارێزگاری سلێمانی، هەر مامەڵە و کڕین و فرۆشتنیک بەو موڵکانەی دەکەونە سنوری شەقامی 100 مەتر قەدەغەیە.

 

لە خاڵی شەشەمیشدا ئاماژە بەوەکراوە: "هیچ پڕۆژە و کارێکی نوێ لەسەر ئەو مولکانەی دەکەونەسەر شەقامەکە دروست ناکرێت و مۆڵەتیان پێنادرێت.

me_ga.php?id=666

لە خاڵی حەوتەمیشدا ئەوەخراوتەڕوو، (حجز) دەخرێتەسەر سەرجەم ئەو موڵکانەی دەکەونە سنوری شەقامەکەوە تا کاتی تەواوبوونی پڕۆژەکە.

 

 

11ی تەمووزی ئەمساڵ بەردی بناخەی شەقامی 100 مەتریی سلێمانی دانرا و کارکردن لە پڕۆژەکە دەستیپێکرد کە  لە دوو شەقامی شێوە تەریب پێکهاتووە کە لە رۆژئاوا بۆ رۆژهەڵاتی سلێمانی درێژدەبێتەوە، واتە لە تاسڵوجە تاوەکو بازگەی سلێمانی – عەربەت.