گه‌ڕان

Shadow Shadow
چیرۆكه‌كانمان

وەزارەتی ناوخۆ: هێزێكی هاوبەش بۆ داخستنی پاڵاوگە نایاساییەكان پێكدەهێنرێت

2019.04.21 - 13:18
App store icon Play store icon Play store icon
وەزارەتی ناوخۆ: هێزێكی هاوبەش بۆ داخستنی پاڵاوگە نایاساییەكان پێكدەهێنرێت

کەناڵی ناس کورد لە تێلیگرام جۆین بکە   

ناس كورد- شەهرام عەزیز

ئەنجومەنی وەزیرانی هەرێم بڕیاری داخستنی پاڵاوگە نایاساییەكان دەخاتە بواری جێبەجێكردنەوە و بۆ ئەو مەبەستەش هێزێكی هاوبەش لە ئاسایش و پۆلیس پێكدەهێنرێت.

.

سامی جەلال، بەرپرسی دیوانی وەزارەتی ناوخۆی هەرێم و سەرۆكی لیژنەی داخستنی پاڵاوگە نایاساییەكان بە ناس كورد-ی ڕاگەیاند"ئەنجومەنی وەزیران بڕیاری داخستنی پاڵاوگە نایاساییەكانی دەركردووە و بەمنزیكانە دەچێتە بواری جێبەجێكردنەوە و بۆ ئەو مەبەستەش هێزێكی هاوبەش لە پۆلیس و ئاسایش پێكهێنراوە".

.

ئاماژەی بەوەشكرد، بەهۆی بارودۆخی ئەمنییەوە ناتوانن بە دیاریكراوی كاتی داخستنەكان ڕابگەیەنن، بەڵام ڕەنگە "خاوەن پاڵاوگەكان لە خەودا بن و كە خەبەریان دەبێتەوە پاڵاوگەكەیان نەمابێت".

.
لە ‌هەرێمی كوردستان نزیكەی 200 پاڵاوگەی نایاسایی هەیە كە چاودێران لەو بڕوایەدان خاوەندارێتی زۆربەیان دەگەڕێتەوە بۆ بەرپرسانی سیاسی و كاریگەری خراپیان كردووەتە سەر ژینگەی هەرێم و لە ماوەی ڕابردوودا هەندێك پاڵاوگە داخران و لە ئێستاشدا بڕیارەكەی ئەنجومەنی وەزیران نزیكەی 169 پاڵاوگە دەگرێتەوە.

.
سامی جەلال روونیكردەوە، لیژنەكە هیچ پاڵاوگەیەكی نایاسایی لە هەرێم ناهێڵێت و سەرجەمیان دادەخەن ئەگەر هی گەورەترین بەرپرسیش بێت، وتیشی "داهاتوو ئەوە دەسەلمێنێت".

.