بە هۆکارێکی سەیر دادگایەکی عێراقی ژنێک لە مێردەکەی جیادەکاتەوە

 

ناس کورد-

 

لە دادگایەکی عێراقی لە کەیسێکی سەیر و نامۆدا، دادوەرێک بڕیاری جیابوونەوەی ژنێک لە مێردەکەی دەدات بەهۆی ئەوە پیاوەکە "بەردەوام میکیاژی کردووە وەک ژن هەڵسوکەوتی کردووە."

 

سەرچاوەیەک لە دادگای تێهەڵچوونەوەی بەغدا بە ناس کورد-ی ڕاگەیاند، دادگاکە بڕیاری تەواوەتی جیابوونەوەی ئەو ژنەی لە پیاوەکە دەکردووە.

بەوتەی سەرچاوەکە، داوای جیابوونەوەکە لە لایەن ژنەکەوە تۆمارکراوە و تێیدا مێردەکەی تۆمەتبارکردووە بەوەی بەردەوام میکیاژی کردووە، بەو هۆیشەوە ئەو زیانی پێ گەیشتووە.

دادگاکەش دوای ڕوانین لە دۆسییەکە، بۆی دەرکەوتووە ئەو کارەی پیاوەکە "دوورە لە شەرع و یاسا و ئەستەمە خێزان بەو شێوەیە بەردەوام بێت،" بۆیە بڕیاری جیابوونەوەکەی دەرکردووە.