گه‌ڕان

Shadow Shadow
سیاسه‌تی

دوو هۆکاری زیادبوونی نرخی بەنزین لە هەرێم

2019.04.21 - 11:32
App store icon Play store icon Play store icon
دوو هۆکاری زیادبوونی نرخی بەنزین لە هەرێم

کەناڵی ناس کورد لە تێلیگرام جۆین بکە   

ناس كورد - شەهرام عەزیز

نرخی بەنزین لە شاری سلێمانی بەپێی جۆرەکانی 25 دینار بەرزبووەتەوە، 15 ڕۆژیش لەمەوپێش لە هەولێر بە هەمان شێوە نرخەکەى بەرزبووەتەوە.

وتەبێژی بەنزینخانەکانى شاری سلێمانی باس لە دوو هۆکار دەکات و دەڵێت، هۆکاری یەکەم بەرزبوونەوەى نرخی بەنزینە لە بازاڕاکانى جیهاندا و ئەوانیش ڕاستەوخۆ پەیوەندییان بە بۆرسەى جیهانییەوە هەیە.

.

لەبارەى هۆکاری دووەم، بەهمەن قادر بە ناس کورد-ی ڕاگەیاند، "کۆمپانیای (کار) نرخی سوتەمەنی بەرزکردووەتەوە لە شاری هەولێر."

بەهمەن قادر وتیشى، "ماوەی زیاتر لە 15 ڕۆژە نرخی بەنزین لە شاری هەولێر بەرزبووەتەوە، بەڵام لە دوێنێوە (20ی نیسانی 2019) لە سلێمانی نرخەکەى بەرزبووەتەوە چونکە چیتر نەیانتوانیوە بە نرخی پێشوو بەنزین بفرۆشن."

ئەمڕۆ (21ی نیسانی 2019) نرخی بەنزین لە بازاڕەکانى هەرێمدا بەمجۆرە بوو، سۆپەر 800 دینار، موحەسەن 700 دینار، نۆڕماڵ 625 دینار.