ناس کورد-
وەزارەتی تەندروستی عێراق ڕایگەیاند، لە 24 کاتژمێری ڕابردوودا دوو هەزار و 747 توشبووی نوێی کۆرۆنا تۆمار کراون، بەڵام چاکبوونەوە زیاتر بووە و سێ هەزار و 918 حاڵەتی چاکبوونەوەى تۆمار کراون لە وڵات.
بەپێی ئاماری کۆرۆنای وەزارەتی تەندروستی عێراق بۆ ئەمڕۆ سێشەممە، 28ی تەموزی 2020، لە 24 کاتژمێری ڕابردوودا 16 هەزار و 922 پشکنینی کۆرۆنا ئەنجام دراون، بەهۆیەوە دوو هەزار و 747 توشبوو دەستنیشان کراون کە بەم شێوەیەی خوارەوە بەسەر پارێزگاکاندا دابەشبوون:
بەغدا\کەرخ: 347
بەغدا\ڕەسافە: 549
شاری پزیشکی: 66
نەجەف: 63
سلێمانی: 77
هەولێر: 93
دهۆک: 15
کەربەلا: 195
کەرکوک: 143
بەسرە: 234
میسان: 52
بابل: 161
دیوانیە: 93
زیقار: 108
ئەنبار: 49
موسەنا 116
نەینەوا: 70
سەڵاحەدین: 55
بەوپێیە، ژمارەى گشتیی توشبووان بەرزبووەتەوە بۆ 115 هەزار و 332 کەس.
هەروەها بە تۆمارکردنی سێ هەزار و 918 حاڵەتی چاکبوونەوە، کۆی گشتی ئەو کەسانەى نەخۆشییەکەیان پەڕاندووە گەیشتووەتە 81 هەزار و 62 حاڵەت، واتە ڕێژەى چاکبوونەوە گەیشتووەتە 70%.
هاوکات 77 حاڵەتی نوێی مردن بەهۆی کۆرۆناوە تۆمار کراون و ژمارەى گشتیی مردووانیش بووە بە چوار هەزار و 535 حاڵەت.
