گه‌ڕان

Shadow Shadow
سیاسه‌تی

خواردنێكی سەرەكی سفرە و خوانی هاووڵاتیانی توركیایە

پیاز تەنگی بە حكومەتەكەی ئەردۆغان هەڵچنیوە

2019.04.20 - 19:04
App store icon Play store icon Play store icon
پیاز تەنگی بە حكومەتەكەی ئەردۆغان هەڵچنیوە

کەناڵی ناس کورد لە تێلیگرام جۆین بکە   

ناس كورد-
ئابوری وڵاتی توركیا ماوەیەكە دەناڵێنیت بە كێشەی بەرزبوونەوەی رێژەی بێكاری و دابەزینی بەهای لیرە و بەرزبوونەوەی نرخی شتومەكە خۆراكیە سەرەكییەكان.

.

لە كانونی دووەمی 2019 قەیرانى دابەزینى بەهاى لیرەى تورکیى بەرۆكی ماڵە توركییەكان و چێشتخانەكانی گرتەوە و نرخی سەوزە و میوە بەرزبووە.
لە دوای هەڵبژاردنە نێوخۆییەكانیش لە 31ی ئاداری 2019 پرسەكە زیاتر قوڵبۆوە و یەك كیلۆ پیاز نرخەكەی گەیشتە نزیكەی 10 لیرەی توركی بەواتای (1,50 یۆرۆی ئەوروپی)، ئەو نرخەش سێ هێندەی نرخی ساڵی رابردووە.

.

لە بازاڕی كادیكۆی ئەستەنبوڵ هاووڵاتییەكی ئەو وڵاتە ناڕەزایەتی لە گرانبوونی نرخی شتومەكە خۆراكییەكان دەردەبڕێت و بەتایبەت لە بەرزبوونەوەی نرخی سەوزە و میوە و دەڵێت "پێم سەیرە سفرەكانمان لە ئێستادا تەماتە و پەتاتە و پیازی لەسەر نییە، ئەم خۆراكانە بۆتە شتێكی دەگمەن لەسەر سفرە و خوانمان، هیج كشتوكاڵێكمان نەما هەمووی تیاچوو، بارودۆخ بەرەو گرانی دەڕوات، كیلۆیەك فاسۆڵیا نرخەكەی گەیشتۆتە 20 لیرە، تەماتە 15 لیرە، پیاز 7 بۆ 10 لیرە".

.
ئەردۆغان و حكومەتەكەی دەڵێن"ئەم پرسە دەستی لەپشتە، ئەمە تیرۆرێكی خۆراكییە".

.
لەبەرامبەر دا ڕەخنەگران لەبارودۆخەكە لەو بڕوایەدان "هەڵئاوسانی بازاڕ و بەتایبەت لە بابەتە خۆراكییەكان هۆكارەكەی هاووڵاتیانی توركیا خۆیان بوون، بەبەڵگەی ئەوەی بازرگانان بۆ بەدەستهێنانی قازانجی دارایی زیاتر دەچوون پیازەكەیان لە كۆگاكاندا دەشاردەوە بۆ ئەوەی لە بازاڕ كەمبێتەوە و نرخەكەی بەرزبێتەوە، و هۆكارێكی تریشی ئەوەبوە كە حكومەتەكەی ئەردۆغان لە ساڵانی پێشوودا گرنگی زیاتری داوە بە كەرتی بیناسازی، و وەبەرهێنانی تێدا كردووە بەمەبەستی بەهێزكردنی كەرتی ئابوری، كشتوكاڵی پشتگۆی خستووە".

.