گه‌ڕان

Shadow Shadow
چیرۆكه‌كانمان

چەند لیژنەیەكی بۆ پێكهێنراوە

كەرەستەی نوێ‌ بۆ پارك و باخچەكانی سلێمانی دەكڕدرێت

2019.04.20 - 17:09
كەرەستەی نوێ‌ بۆ پارك و باخچەكانی سلێمانی دەكڕدرێت

ناس كورد- هەڤاڵ فەتاح

.
بەڕێوەبەرایەتی شارەوانی سلێمانی لەرێگەی پێكهێنانی چەند لیژنەیەكەوە دەرخستە بۆ كەرەستە لەكاركەتووەكانی پارك و باخچەكان دەكات و كەرەستەی نوێیان بۆ دەكڕدرێت.

.
زەردشت رەفیق وتەبێژی بەڕێوەبەرایەتی شارەوانی سلێمانی بەناس كورد-ی ڕاگەیاند"شارەوانی لیژنەیەكی تایبەتی داناوە بۆ جەردكرنی ئەو یاریانەی پێویستیان بە گۆڕینە، بەڵام بەهۆی قەیرانی داراییەوە پڕۆسەی چاككردنەوەیان دواكەوتووە".

.

زەردەشت رەفیق گلەیی لە هاووڵاتیان دەكات كە پارێزگاری لە كەلوپەلەكانی ناو ئەو باخچانە ناكەن.

.
وتەبێژی بەڕێوەبەرایەتی شارەوانی سلێمانی باس لە كوالێتی كەرەستەكانی ناو پارك و باخچەكان دەكات و بە كوالیت بەرزیان ناو دەبات، ئەوەش ناشارێتەوە كە هەر كەرەستەیەك تەمەنی تایبەتی خۆی هەیە و كاریگەری كەشوهەواش هۆكاری تری لەكاركەوتنی كەرەستەكانە.

.

لەسنوری شارەوانی سلێمانی زیاتر لە 500 پارك و باخچە بە ڕووبەری جیاواز بوونی هەیە، ساڵانە شارەوانی سلێمانی بە تایبەتی پێش قەیرانی دارایی زیاتر لە 50 پاركی جۆرا و جۆری دروست دەكرد، بەڵام بەهۆی ئەو قەیرانەوە ئەو ژمارەیە كەمبوەتەوە بۆ 5 باخچە و پارك لەساڵێكدا، هەندێكش لەو پاركانە یارییەكانی شكاوون و لە كاركەوتوون بوونەتە هۆكاری مەترسی لەسەر ژیانی منداڵان .

.

هاوژین محەمەد لێپرسراوی راگەیاندنی بەڕێوەبەرایەتی باخچەكانی سلێمانی بۆ ناس كورد-ی روونكردەوە"بەڕێوەبەرایەتییەكەمان دەرخستەی كردووە بۆ كەرەستە لە كاركەوتووەكانی ناو ئەو پارك و باخچانە لەرێگەی چەند لیژنەیەكەوە، چاوەڕێ‌ دەكرێت لەگەڵ باشبوونی دۆخی دارایی پارەی بۆ خەرج بكرێت".

.

وتیشی "پێش قەیرانی دارایی ساڵانە 50 بۆ 60 باخچە درووست دەكران، بەڵام ئەو ژمارەیە بەهۆی قەیرانەكەوە بۆ كەمتر لە 6 پارك، دابەزیوە".