گه‌ڕان

Shadow Shadow
چیرۆكه‌كانمان

بە شوێن ئەو کەسانەدا دەگەڕێین ئەو کارەیان ئەنجامداوە

پۆلیسی سلێمانی: لە ئێستادا پەیجی بەڕێوەبەرایەتییەکە لەژێر کۆنتڕۆڵی خۆماندایە

2019.04.20 - 13:06
App store icon Play store icon Play store icon
پۆلیسی سلێمانی: لە ئێستادا پەیجی بەڕێوەبەرایەتییەکە لەژێر کۆنتڕۆڵی خۆماندایە

کەناڵی ناس کورد لە تێلیگرام جۆین بکە   

ناس کورد- شەهرام عەزیز

.

وتەبێژی پۆلیسی سلێمانی ڕایگەیاند، دوای شەش کاتژمێر لە "هاک" کردنی پەیجەکەیان لە ئێستادا پەیجەکەیان وەرگرتووەتەوە و بەدوای ئەو کەسانەشدا دەگەڕێن کە پەیجەکەیانی هاک کردووە.

.

سەرکەوت ئەحمەد، وتەبێژی پۆلیسی سلێمانی بە ناس کورد-ی ڕاگەیاند: "دوای ئەوەی بۆ ماوەی شەش کاتژمێر پەیجی بەڕێوەبەرایەتییەکەمان لە تۆڕی کۆمەڵایەتی فەیسبوک هاک کرا، لە ئێستادا پەیجەکە لەژێر کۆنتڕۆڵی خۆماندایە".

.

بە وتەی سەرکەوت ئەحمەد، تا ئێستا نازانن لەلایەن کێوە هاک کراوە و بەشوێن ئەو کەسانە دەگەڕێن و سبەینێش لە دادگا سکاڵای یاسایی تۆمار دەکەن.

.

سەرلەبەیانی ئەمڕۆ شەممە، پەیجی فەرمی بەڕێوەبەرایەتی پۆلیسی سلێمانی هاک کرا و تیایدا هەندێک پۆست سڕدرابوونەوە و وێنە و ناوی چەند بەرپرسێکی ئەمنی سلێمانیش تێدا بڵاوکرایەوە بە "گەندەڵ" تۆمەتبار کرابوون.

.

پاش ئەوەی ئەو پەیجە لەلایەن پۆلیسی سلێمانییەوە وەرگیرایەوە، لە ئێستادا لە کار خراوە.

.

.