گه‌ڕان

Shadow Shadow
سیاسه‌تی

جاری پێشووش نزیکی جەژنی قوربان بوو

بۆ جاری سێیەم بازاڕێکی هەولێر گڕی گرت و 300 دوکان سوتان

2020.07.24 - 09:26
App store icon Play store icon Play store icon
بۆ جاری سێیەم بازاڕێکی هەولێر گڕی گرت و 300 دوکان سوتان

ناس کورد-

بەرەبەیانی ئەمڕۆ بۆ جاری سێیەم بازاری سیمی لە گەڕەکی کوردستانی شاری هەولێر گڕی گرت و نزیکەى 300 دوکانی هاوڵاتیان سوتان، تائێستاش هۆکاری ئاگرەکە دیار نییە.

کەناڵی ناس کورد لە تێلیگرام جۆین بکە   

 

ئەمڕۆ هەینی، 24ی تەموزی 2020، تیمەکانی بەرگریی شارستانی هەولێر چوونە شوێنی ئاگرەکە و تائێستاش خەریکی کۆنتڕۆڵکردنی ئاگرەکەن.

 

ئاگرەکە کاتژمێر 4:45 خولەکی بەیانی لە کۆڵانی تەڕەفرۆشانی بازاڕی سیمی گەڕەکی کوردستان له‌ هه‌ولێر دروست بووە، تەواوی بازاڕەکەی گرتووەتەوە و زیاتر لە 300 دوکان سووتاون.

 

ئەوە سێیەم جارە جارە لەکاتی نزیکبوونەوەی جەژنی قوربان، ئەم بازاڕە ئاگر دەگرێت و جاری پێشوو لە رۆژی 15ی حوزەیرانی 2018 جارێکی دیکە ئەم بازاڕە ئاگری گرت و بەهۆیەوە زیاتر لە 100 دوکان سووتان.

 

بازاڕی سیمی گەڕەکی کوردستان، بازاڕێکی میللییە و بەشێک لە دوکاندارەکان گلەیی ئەوە دەکەن کە ھەندێک دوکاندار کارەبای بەردەوامییان ھەیە و ئەمەش رەنگە بەشێک لە ھۆکاری سووتانەکەی بێت.

 

بازاڕەکە 600 دوکان لەخۆ دەگرێت و شوێنەکە ئاوی بەرگری شارستانی تییادا نیيە بۆ ئەوەی لەکاتی وەھا ئاگرکەوتنەویەک، ھاوڵاتییان بتوانن زوو ئاگرەکە کۆنتڕۆڵ بکەن، ھەروەھا بەھۆی تەنگی کۆڵانەکان، تیمەکانی بەرگری شارستانی نەیانتوانیووە بچنە ناو کۆڵانەکان.